ನವದೆಹಲಿ: ಇಂಡಿಗೋ ವಿಮಾನವೊಂದು ಅಹಮದಾಬಾದ್ ವಿಮಾನ ನಿಲ್ದಾಣದಲ್ಲಿ ಇಳಿಯಲು ಪ್ರಯತ್ನಿಸುತ್ತಿದ್ದಾಗ ರೆಕ್ಕೆಗಳು ರನ್‌ವೇಗೆ ( ಟೈಲ್ ಸ್ಟ್ರೈಕ್) ತಾಗಿದ ಘಟನೆ ನಡೆದಿದೆ.
ಬೆಂಗಳೂರಿನಿಂದ ಅಹಮದಾಬಾದ್‌ಗೆ ಕಾರ್ಯಾಚರಿಸುತ್ತಿದ್ದ ಇಂಡಿಗೋ ಫ್ಲೈಟ್ 6E-6595, ಅಹಮದಾಬಾದ್‌ನಲ್ಲಿ ಇಳಿಯುವಾಗ ಟೈಲ್ ಸ್ಟ್ರೈಕ್ ಉಂಟಾಯಿತು. ಬಳಿಕ ವಿಮಾನವನ್ನು ಅಹಮದಾಬಾದ್ ನಿಲ್ದಾಣದಲ್ಲಿ ನಿಲುಗಡೆಗೊಳಿಸಿ ಪರಿಶೀಲನೆ ನಡೆಸಲಾಗಿದೆ. ಅಧಿಕಾರಿಗಳು ಈ ಸಂಬಂಧ ತನಿಖೆ ನಡೆಸುತ್ತಿದ್ದಾರೆ ಎಂದು ಇಂಡಿಗೋ ಹೇಳಿಕೆಯಲ್ಲಿ ತಿಳಿಸಿದೆ.
ಅದೇ ರೀತಿ ಕಳೆದ ಮಂಗಳವಾರ ಮುಂಜಾನೆ, ಇಂಡಿಗೋ ವಿಮಾನವು ಮುಂಬೈ ವಿಮಾನ ನಿಲ್ದಾಣದಲ್ಲಿ ಇಳಿಯಲು ಪ್ರಯತ್ನಿಸುತ್ತಿದ್ದ ವೇಳೆ ಪ್ರತಿಕೂಲ ಹವಾಮಾನದಿಂದ (ಬಿಪರ್‌ಜಾಯ್‌ ಚಂಡಮಾರುತದಿಂದಾಗಿ) ಲ್ಯಾಂಡಿಂಗ್‌ ಸಾಧ್ಯವಾಗಿರಲಿಲ್ಲ. ಬಳಿಕ ವಿಮಾನವನ್ನು ಉದಯಪುರದಲ್ಲಿ ಲ್ಯಾಂಡ್‌ ಆಗಲು ಸೂಚಿಸಲಾಗಿತ್ತು. ಅಲ್ಲಿ ಕೂಡ ಪ್ರತಿಕೂಲ ಸ್ಥಿತಿ ಎದುರಾಗಿದ್ದು,
ಎರಡು ಪ್ರಯತ್ನಗಳ ಬಳಿಕ ವಿಮಾನ ಲ್ಯಾಂಡ್‌ ಆಗಿತ್ತು.
