ಝೈಡಸ್ ಕ್ಯಾಡಿಲಾದ ಕೊರೊನಾ ಲಸಿಕೆಯಾದ ಝೈಕೋವ್-ಡಿ (ZyCoV-D) ಬೆಲೆಯನ್ನು ನಿಗದಿಪಡಿಸಲಾಗಿದ್ದು, ಒಂದು ಡೋಸ್ʼಗೆ 265 ರೂ. ವೆಚ್ಚವಾಗುತ್ತೆ ಎನ್ನಲಾಗ್ತಿದೆ. ಅದ್ರಂತೆ, ಕೇಂದ್ರ ಸರ್ಕಾರವು ಒಂದು ಕೋಟಿ ಡೋಸ್ʼಗಳನ್ನ ಆದೇಶಿಸಿದ್ದು, ಈ ‘ಝೈಕೋವ್-ಡಿ’ಯ ಮೂರು ಡೋಸ್ʼಗಳನ್ನ 28 ದಿನಗಳ ಮಧ್ಯಂತರದಲ್ಲಿ ನೀಡಬೇಕಾಗುತ್ತೆ.ದೇಶದಲ್ಲಿ ಅಭಿವೃದ್ಧಿಪಡಿಸಲಾದ ಈ ಲಸಿಕೆ ಡಿಎನ್‌ಎ ಆಧಾರಿತ ಮತ್ತು ಸೂಜಿ ಮುಕ್ತವಾದ ವಿಶ್ವದ ಮೊದಲ ಲಸಿಕೆಯಾಗಿದೆ.
ಆಗಸ್ಟ್ 20ರಂದು ಔಷಧ ನಿಯಂತ್ರಕರಿಂದ ತುರ್ತು ಬಳಕೆಗೆ ಝೈಕೋವ್-ಡಿಗೆ ಅನುಮೋದನೆ ನೀಡಲಾಯಿತು. 12 ವರ್ಷ ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನ ಜನರಿಗೆ ಭಾರತದ ಔಷಧ ನಿಯಂತ್ರಕರು ಅನುಮೋದಿಸಿದ ಮೊದಲ ಲಸಿಕೆ ಇದಾಗಿದೆ. ಇನ್ನು ಆರಂಭದಲ್ಲಿ ವಯಸ್ಕರಿಗೆ ಲಸಿಕೆ ಹಾಕಲು ಆದ್ಯತೆ ನೀಡಲಾಗುವುದು ಎನ್ನಲಾಗ್ತಿದೆ.
