ನವದೆಹಲಿ : ಕಳೆದ ತಿಂಗಳು, ಗೂಗಲ್ ಪ್ಲೇ ಸ್ಟೋರ್‌ನಿಂದ ಎಲ್ಲಾ ಕಾಲ್ ರೆಕಾರ್ಡಿಂಗ್ ಅಪ್ಲಿಕೇಶನ್‌ಗಳನ್ನು ನಿಷೇಧಿಸುವುದಾಗಿ ಘೋಷಿಸಿತು. ಅದ್ರಂತೆ, ಪ್ಲೇ ಸ್ಟೋರ್ ನೀತಿಯ ಬದಲಾವಣೆಯು ನಾಳೆ ಅಂದ್ರೆ ಮೇ 11ರಿಂದ ಜಾರಿಗೆ ಬರಲಿದೆ. ಅಂದ್ಹಾಗೆ, ಅಂತರ್ನಿರ್ಮಿತ ಕಾಲ್ ರೆಕಾರ್ಡಿಂಗ್ ವೈಶಿಷ್ಟ್ಯದೊಂದಿಗೆ ಬರುವ ಫೋನ್ʼಗಳಿಗೆ ಯಾವುದೇ ಬದಲಾವಣೆಗಳು ಇರುವುದಿಲ್ಲ.
ಕ್ಯುಪರ್ಟಿನೊ ಮೂಲದ ಟೆಕ್ ದೈತ್ಯ ಹಲವಾರು ವರ್ಷಗಳಿಂದ ಕಾಲ್ ರೆಕಾರ್ಡಿಂಗ್ ಅಪ್ಲಿಕೇಶನ್‌ಗಳು ಮತ್ತು ಸೇವೆಗಳನ್ನ ವಿರೋಧಿಸುತ್ತಿದೆ. ಯಾಕಂದ್ರೆ, ಕರೆಗಳನ್ನು ರೆಕಾರ್ಡ್ ಮಾಡುವುದು ಬಳಕೆದಾರರ ಗೌಪ್ಯತೆಯ ಆಕ್ರಮಣ ಎಂದು ಕಂಪನಿ ನಂಬಿದೆ. ಇದೇ ಕಾರಣದಿಂದಾಗಿ, ಗೂಗಲ್‌ನ ಸ್ವಂತ ಡಯಲರ್ ಅಪ್ಲಿಕೇಶನ್‌ನಲ್ಲಿ ಕಾಲ್ ರೆಕಾರ್ಡಿಂಗ್ ವೈಶಿಷ್ಟ್ಯವು ಜೋರಾಗಿ ಮತ್ತು ಸ್ಪಷ್ಟವಾಗಿ ಕರೆಯನ್ನ ರೆಕಾರ್ಡ್ ಮಾಡಲಾಗುತ್ತಿದೆ ಎನ್ನಲಾಗ್ತಿದೆ. ರೆಕಾರ್ಡಿಂಗ್ ಪ್ರಾರಂಭವಾಗುವ ಮೊದಲು ಎರಡೂ ಬದಿಗಳಲ್ಲಿ ಸ್ಪಷ್ಟವಾಗಿ ಕೇಳಲಾಗುತ್ತದೆ.
ಈ ಬದಲಾವಣೆಯು ಥರ್ಡ್‌ ಪಾರ್ಟಿ ಅಪ್ಲಿಕೇಶನ್‌ಗಳ ಮೇಲೆ ಮಾತ್ರ ಪರಿಣಾಮ ಬೀರುತ್ತದೆ ಎಂದು ಗೂಗಲ್ ಸ್ಪಷ್ಟಪಡಿಸಿದೆ. ಇದರರ್ಥ Google ಡಯಲರ್ʼನಲ್ಲಿ ಕಾಲ್ ರೆಕಾರ್ಡಿಂಗ್ ನಿಮ್ಮ ಸಾಧನ ಅಥವಾ ಪ್ರದೇಶದಲ್ಲಿ ಲಭ್ಯವಿದ್ದರೆ ಅದು ಇನ್ನೂ ಕಾರ್ಯನಿರ್ವಹಿಸುತ್ತದೆ. ಕಾಲ್ ರೆಕಾರ್ಡಿಂಗ್ ವೈಶಿಷ್ಟ್ಯವನ್ನ ಹೊಂದಿರುವ ಯಾವುದೇ ಪ್ರಿಲೋಡೆಡ್ ಡಯಲರ್ ಅಪ್ಲಿಕೇಶನ್ ಸಂಪೂರ್ಣವಾಗಿ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ಇದು ಸ್ಪಷ್ಟಪಡಿಸುತ್ತದೆ.
ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ಲಭ್ಯವಿರುವ ಕಾಲ್ ರೆಕಾರ್ಡಿಂಗ್ ವೈಶಿಷ್ಟ್ಯವನ್ನ ಹೊಂದಿರುವ ಅಪ್ಲಿಕೇಶನ್‌ಗಳನ್ನ ಮಾತ್ರ ನಿಷೇಧಿಸಲಾಗ್ತಿದೆ.
ರೆಕಾರ್ಡಿಂಗ್ ವೈಶಿಷ್ಟ್ಯ ತೆಗೆದುಹಾಕುಲಿರುವ ಟ್ರೂಕಾಲರ್ ಕಾಲ್
ಗೂಗಲ್ ಕಾಲ್ ರೆಕಾರ್ಡಿಂಗ್ ಅಪ್ಲಿಕೇಶನ್‌ಗಳನ್ನು ನಿಷೇಧಿಸಿದ ಒಂದು ದಿನದ ನಂತರ, ಟ್ರೂಕಾಲರ್ ತನ್ನ ಪ್ಲಾಟ್‌ಫಾರ್ಮ್‌ನಿಂದ ಕಾಲ್ ರೆಕಾರ್ಡಿಂಗ್ ವೈಶಿಷ್ಟ್ಯವನ್ನ ತೆಗೆದುಹಾಕಿದೆ ಎಂದು ಬಹಿರಂಗಪಡಿಸಿದೆ. ‘ನವೀಕರಿಸಿದ ಗೂಗಲ್ ಡೆವಲಪರ್ ಪ್ರೋಗ್ರಾಂ ನೀತಿಗಳ ಪ್ರಕಾರ, ನಾವು ಇನ್ನು ಮುಂದೆ ಕಾಲ್ ರೆಕಾರ್ಡಿಂಗ್‌ಳನ್ನು ನೀಡಲು ಸಾಧ್ಯವಾಗುವುದಿಲ್ಲ. ಇದು ಸ್ಥಳೀಯವಾಗಿ ಸಾಧನದಲ್ಲಿ ನಿರ್ಮಿಸಲಾದ ಕರೆ ರೆಕಾರ್ಡಿಂಗ್ ಹೊಂದಿರುವ ಸಾಧನಗಳ ಮೇಲೆ ಪರಿಣಾಮ ಬೀರುವುದಿಲ್ಲ’ ಎಂದು ಟ್ರೂಕಾಲರ್ ವಕ್ತಾರರು ತಿಳಿಸಿದ್ದಾರೆ.
