ಚಂಡೀಗಢ: ಅಮೃತಸರದ ಗೋಲ್ಡನ್ ಟೆಂಪಲ್ ಬಳಿ ಗುರುವಾರ ಸ್ಫೋಟ ಸಂಭವಿಸಿದೆ. ಒಂದು ವಾರದೊಳಗೆ ಇದು ಮೂರನೇ ಸ್ಫೋಟವಾಗಿದೆ. ಗುರುರಾಮ್ ದಾಸ್ ಇನ್ ಹಿಂದೆ ಸಂಭವಿಸಿದ ಸ್ಫೋಟದ ನಂತರ ಪೊಲೀಸರು ಮೂವರು ಶಂಕಿತರನ್ನು ಬಂಧಿಸಿದ್ದಾರೆ.
ಸ್ಥಳದಿಂದ ಕೆಲವು ಕರಪತ್ರಗಳನ್ನು ಸಹ ವಶಪಡಿಸಿಕೊಳ್ಳಲಾಗಿದ್ದು, ಮೂರೂ ಸ್ಫೋಟಗಳನ್ನು ನಡೆಸಿರುವುದಾಗಿ ಬಂಧಿತ ಆರೋಪಿ ಒಪ್ಪಿಕೊಂಡಿದ್ದಾನೆ ಎನ್ನಲಾಗಿದೆ.
ಗುರು ರಾಮ್ ದಾಸ್ ಹೋಟೆಲ್‌ನ ಎರಡನೇ ಮಹಡಿಯಿಂದ ಶಂಕಿತ ಬಾಂಬ್ ಅನ್ನು ‘ಗಲಿಯಾರಾ’ ಅಥವಾ ಗೋಲ್ಡನ್ ಟೆಂಪಲ್ ಸುತ್ತಲಿನ ಮಾರ್ಗಕ್ಕೆ ಎಸೆದಿರುವುದು ಎಂದು ಸಿಸಿಟಿವಿ ದೃಶ್ಯಾವಳಿಗಳಲ್ಲಿ ದಾಖಲಾಗಿದೆ.
