ಪಾಟ್ನಾ: ಬಿಹಾರದ ಪಾಟ್ನಾ ಜಿಲ್ಲೆಯ ಸೋನೆ ನದಿಯ ದಡದಲ್ಲಿ ಮರಳು ಮಾಫಿಯಾ ತಂಡದವರು ಗಣಿ ಇಲಾಖೆ ತಂಡದ ಮೇಲೆ ಹಲ್ಲೆ ನಡೆಸಿದೆ. ಅಲ್ಲದೆ ಮಹಿಳಾ ಗಣಿ ಇನ್ಸ್ಪೆಕ್ಟರ್ನ್ನು ಅಮಾನುಷವಾಗಿ ಥಳಿಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಪರೇವ್ ಗ್ರಾಮದ ಬಳಿ ಮರಳು ಮಾಫಿಯಾ ಸದಸ್ಯರು ಅಕ್ರಮವಾಗಿ ಟ್ರಕ್ಗಳಿಗೆ ಮರಳು ಲೋಡ್ ಮಾಡುತ್ತಿರುವಾಗ ಗಣಿ ಇಲಾಖೆ ಮತ್ತು ಬಿಹಾರ ಪೊಲೀಸರ ತಂಡ ದಾಳಿ ನಡೆಸಿದೆ.
ಆದರೆ, ಮರಳು ಮಾಫಿಯಾ ಸದಸ್ಯರು ಹಾಗೂ ಲಾರಿ ಚಾಲಕರು ಸರ್ಕಾರಿ ಅಧಿಕಾರಿಗಳ ಮೇಲೆ ಹಲ್ಲೆ ನಡೆಸಿದ್ದಾರೆ. ಈ ವೇಳೆ ಪೊಲೀಸರು ಮತ್ತು ಗಣಿ ಅಧಿಕಾರಿಗಳು ಓಡಿ ಹೋಗಿ ತಪ್ಪಿಸಿಕೊಂಡಿದ್ದಾರೆ. ಆದರೆ ಮಹಿಳಾ ಗಣಿ ಅಧಿಕಾರಿ ಈ ಸಂದರ್ಭ ಕೆಳಕ್ಕುರುಳಿದರು.
ಈ ವೇಳೆ ಆಕೆಯನ್ನು ಮಾಫಿಯಾ ತಂಡದವರು ಥಳಿಸಿದ್ದಾರೆ. ಕೂಡಲೇ ನಗರ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಮಾಫಿಯಾ ಸದಸ್ಯರನ್ನು ಓಡಿಸಿದ್ದಾರೆ. ಅಲ್ಲದೆ ಪಾಟ್ನಾ ಪೊಲೀಸರು ದಾಳಿಗೆ ಸಂಬಂಧಿಸಿದಂತೆ 44 ಆರೋಪಿಗಳನ್ನು ಬಂಧಿಸಿದ್ದಾರೆ.