ಬಾರ್ವಾನಿ : ಪಿಕಪ್ ವಾಹನವೊಂದು ಕಂದಕದಲ್ಲಿ
ಉರುಳಿ ಇಬ್ಬರು ಅಪ್ರಾಪ್ತರು ಸೇರಿದಂತೆ ನಾಲ್ವರು ಮೃತಪಟ್ಟಿದ್ದು, 20 ಮಂದಿ ಗಾಯಗೊಂಡ ಘಟನೆ ಮಧ್ಯಪ್ರದೇಶದ ಬರ್ವಾನಿ ಜಿಲ್ಲೆಯಲ್ಲಿ ನಡೆದಿದೆ
ಬೆಟ್ಟದ ಮೇಲಿರುವ ನಾಗಲವಾಡಿ ದೇವಸ್ಥಾನಕ್ಕೆ ಭಕ್ತರ ತಂಡ ತೆರಳುತ್ತಿದ್ದಾಗ ಅಪಘಾತ ಸಂಭವಿಸಿದೆ ಎಂದು ನಾಗಲವಾಡಿ ಪೊಲೀಸ್ ಠಾಣೆಯ ಪ್ರಭಾರಿ ಯಶವಂತ ಬಾದೋಲೆ ತಿಳಿಸಿದರು.
ಮೃತಪಟ್ಟವರು ಧಾರ್ ಜಿಲ್ಲೆಯ ಜಮಾನಿಯಾ ಮತ್ತು ತಲ್ವಾಯಿ ಗ್ರಾಮಗಳ ನಿವಾಸಿಗಳು ಎಂದು ತಿಳಿದುಬಂದಿದೆ. ಸುಮಾರು 30 ಜನರನ್ನು ಹೊತ್ತೊಯ್ಯುತ್ತಿದ್ದ ವಾಹನವು ಚಾಲಕನ ನಿಯಂತ್ರಣ ತಪ್ಪಿ ಕಮರಿಗೆ ಉರುಳಿದೆ ಎಂದು ಬಾದೋಲೆ ಹೇಳಿದರು.
ವಾಹನ ಚಾಲಕನ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ಆತನನ್ನು ಇನ್ನೂ ಬಂಧಿಸಿಲ್ಲ ಎಂದು ಬಾದೋಲೆ ತಿಳಿಸಿದ್ದಾರೆ.