ಅಬುಜಾ: ಕ್ವಾರಾದಲ್ಲಿ ದೋಣಿ ಮುಳುಗಿದ ಪರಿಣಾಮ ಕನಿಷ್ಠ 103 ಜನರು ಸಾವನ್ನಪ್ಪಿದ್ದಾರೆ ಮತ್ತು ಸುಮಾರು 100 ಜನರನ್ನು ರಕ್ಷಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ನೈಜರ್ ಕ್ವಾರಾಕ್ಕೆ ಸಾಗುತ್ತಿದ್ದ ದೋಣಿಯು ಪಾಟಿಗಿ ಸ್ಥಳೀಯ ಸರ್ಕಾರಿ ಪ್ರದೇಶದ ನದಿಯಲ್ಲಿ ಸೋಮವಾರ ಬೆಳಿಗ್ಗೆ ಅಪಘಾತಕ್ಕೀಡಾಗಿದೆ ಎಂದು ಕ್ವಾರಾದ ಪೊಲೀಸ್ ವಕ್ತಾರ ಅಜಯ್ ಒಕಾಸನ್ಮಿ ಮಂಗಳವಾರ ಕ್ಸಿನ್ಹುವಾಗೆ ತಿಳಿಸಿದ್ದಾರೆ. ಘಟನೆಯಲ್ಲಿ ಹಲವರು ನಾಪತ್ತೆಯಾಗಿದ್ದು, ರಕ್ಷಣಾ ಕಾರ್ಯಾಚರಣೆ ನಡೆಯುತ್ತಿದೆ ಎಂದು ಕ್ಸಿನ್ಹುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ.
ನತದೃಷ್ಟ ದೋಣಿಯಲ್ಲಿ 200ಕ್ಕೂ ಹೆಚ್ಚು ಮಂದಿ ಪ್ರಯಾಣಿಸುತ್ತಿದ್ದರು ಎನ್ನಲಾಗಿದೆ. ಓವರ್‌ಲೋಡ್, ಕೆಟ್ಟ ಹವಾಮಾನ ಮತ್ತು ದೋಷಪೂರಿತ ಕಾರ್ಯಾಚರಣೆಗಳಿಂದಾಗಿ ಆಗಾಗ್ಗೆ ಪಶ್ಚಿಮ ಆಫ್ರಿಕಾದ ದೇಶದಲ್ಲಿ ದೋಣಿ ಅಪಘಾತಗಳು ವರದಿಯಾಗುತ್ತವೆ.
