ಕೈರೊ: ಲಿಬಿಯಾದಲ್ಲಿ ಹತ್ತಾರು ವಲಸಿಗರನ್ನು ಒಳಗೊಂಡಿದ್ದ ಬೋಟ್ ಮಗುಚಿ ಕನಿಷ್ಠ 17 ಮಂದಿ ಮೃತಪಟ್ಟಿದ್ದಾರೆ.
ಆಶ್ರಯ ಅರಸಿ ಯುರೋಪ್‌ಗೆ ತೆರಳುತ್ತಿದ್ದವರಿದ್ದ ಬೋಟ್ ಮೆಡಿಟರೇನಿಯನ್ ಸಮುದ್ರದಲ್ಲಿ ಮುಳುಗಿದೆ. ಲಿಬಿಯಾದ ಜುವಾರಾ ನಗರದ ಬಳಿ ದುರಂತ ಸಂಭವಿಸಿದೆ ಎಂದು ಅಧಿಕಾರಿ ಮಾಹಿತಿ ನೀಡಿದ್ದಾರೆ.
ಬೋಟ್‌ನಲ್ಲಿ ಸುಮಾರು 70 ವಲಸಿಗರಿದ್ದರು. 51 ಮಂದಿಯನ್ನು ಲಿಬಿಯಾದ ಕರಾವಳಿ ರಕ್ಷಣಾ ಪಡೆ ರಕ್ಷಿಸಿದೆ. ಒಂದು ಮೃತದೇಹ ಪತ್ತೆಯಾಗಿದೆ. ಕಣ್ಮರೆಯಾಗಿರುವವರಿಗಾಗಿ ಶೋಧ ನಡೆದಿದೆ ಎಂದು ಅವರು ತಿಳಿಸಿದ್ದಾರೆ.
ಕಳೆದ ತಿಂಗಳಷ್ಟೇ ಲಿಬಿಯಾದಲ್ಲಿ ನಡೆದಿದ್ದ ಎರಡು ಬೋಟ್ ದುರಂತಗಳಲ್ಲಿ 80 ವಲಸಿಗರು ಮೃತಪಟ್ಟಿದ್ದರು.
