ಕೋಲ್ಕತ್ತ: ಅನಾರೋಗ್ಯದಿಂದ ಲೋಕಸಭೆಯ ಮಾಜಿ ಸ್ಪೀಕರ್ ಸೋಮನಾಥ ಚಟರ್ಜಿ (89) ಅವರು ಸೋಮವಾರ ನಿಧನರಾದರು. ಆಗಸ್ಟ್ 8ರಂದು ಟಚರ್ಜಿ ಮೂತ್ರಪಿಂಡ ಸಮಸ್ಯೆಗೆ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.
ಭಾನುವಾರ ಲಘು ಹೃದಯಾಘಾತವಾದ ಪರಿಣಾಮ ಆರೋಗ್ಯ ಸ್ಥಿತಿ ಗಂಭೀರವಾಗಿತ್ತು. ಕೃತಕ ಉಸಿರಾಟದ ವ್ಯವಸ್ಥೆ ಮಾಡಲಾಗಿತ್ತು. ಕಳೆದ ಎರಡು ತಿಂಗಳಿಂದ ಅವರಿಗೆ ಡಯಾಲಿಸಿಸ್‌ ನಡೆಸಲಾಗುತ್ತಿತ್ತು.
ರಕ್ತನಾಳದಲ್ಲಿ ರಕ್ತ ಹೆಪ್ಪುಗಟ್ಟಿ ಕಳೆದ ತಿಂಗಳಷ್ಟೆ ಚೇತರಿಸಿಕೊಂಡಿದ್ದರು. 10 ಅವಧಿಗೆ ಸಂಸದರಾಗಿದ್ದ ಚಟರ್ಜಿ, ಸಿಪಿಎಂನ ಕೇಂದ್ರ ಸಮಿತಿ ಸದಸ್ಯರಾಗಿದ್ದರು. 2004ರಿಂದ 2009ರವರೆಗೆ ಲೋಕಸಭಾ ಸ್ಪೀಕರ್ ಆಗಿದ್ದರು.
