ಹೊಸದಿಲ್ಲಿ: ಇಂದಿನಿಂದ ಜಾರಿಗೆ ಬಂದಿರುವ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ವ್ಯವಸ್ಥೆ ರೈಲ್ವೆ ಪ್ರಯಾಣ ದರದ ಮೇಲೆ ಪರಿಣಾಮ ಬೀರಿದೆ. ಪ್ರಥಮ ದರ್ಜೆ ಹಾಗೂ ಎಸಿ ದರ್ಜೆಯ ಟ್ರೈನ್ಗಳ ಪಯಣದಲ್ಲಿ ಏರಿಕೆ ಕಂಡು ಬರಲಿದೆ.
ರೈಲ್ವೆ ಇಲಾಖೆಯ ಮೂಲಗಳ ಪ್ರಥಮ ದರ್ಜೆ ಹಾಗೂ ಎಸಿ ಟ್ರೈನ್ಗಳ ಪಯಣದಲ್ಲಿ ಶೇ.5ರಿಂದ 4.5ರಷ್ಟು ಪ್ರಮಾಣ ಏರಿಕೆಯಾಗಲಿದೆ. ಆದರೆ, ನಾನ್ ಎಸಿ ಮತ್ತು ಲೋಕಲ್ ಟ್ರೈನ್ಗಳು, ಮೆಟ್ರೊ ಹಾಗೂ ಧಾರ್ಮಿಕ ಯಾತ್ರೆ ಟ್ರೈನ್ಗಳ ಪ್ರಯಾಣಕ್ಕೆ ಜಿಎಸ್ಟಿಯಿಂದ ವಿನಾಯಿತಿ ನೀಡಲಾಗಿದ್ದು, ಇವುಗಳಲ್ಲಿ ಯಾವುದೇ ಬದಲಾವಣೆ ಕಂಡು ಬರುವ ಸಾಧ್ಯತೆ ಇಲ್ಲ. ಒಂದು ದೇಶ ಒಂದೇ ತೆರಿಗೆ: ದೇಶದ ಬಹುದೊಡ್ಡ ಆರ್ಥಿಕ ಸುಧಾರಣಾ ಕ್ರಮ ಜಿಎಸ್ಟಿ ಜಾರಿ ಜೊತೆಗೆ ಸರಕು ಸಾಗಣೆ ಮೇಲೂ ಜಿಎಸ್ಟಿ ಪರಿಣಾಮ ಬೀರಲಿದ್ದು, ಇದರಲ್ಲೂ ಕೂಡ ಶೇ.5ರಿಂದ 4.5ರಷ್ಟು ಹೆಚ್ಚಳವಾಗಲಿದೆ. ಇಲ್ಲಿ ಕೂಡ ಅಗತ್ಯ ಸರಕುಗಳಾದ ಹಾಲು, ಕೃಷಿ ಉತ್ಪನ್ನಗಳಿಗೆ ಜಿಎಸ್ಟಿಯಿಂದ ವಿನಾಯಿತಿ ಇರುತ್ತದೆ. ಈ ಸಂಬಂಧ ರೈಲ್ವೆ ಇಲಾಖೆ ಈಗಾಗಲೇ ರೈಲ್ವೆ ವಿಭಾಗಗಳಿಗೆ ಸೂಚನೆಯನ್ನು ಹೊರಡಿಸಿದೆ ಎಂದು ಮೂಲಗಳ ಹೇಳಿವೆ.