ನವದೆಹಲಿ: ದೆಹಲಿಯಲ್ಲಿ ಮಣಿಪುರದ ಮಾಜಿ ಸಚಿವ ಎಂ. ಒಕೆಂದ್ರು ಅವರ ಮಗ ಹೌಜ್ ಖಾಸ್ ರೆಸ್ಟೋರೆಂಟ್ ಕಟ್ಟಡದಿಂದ ಬಿದ್ದು ನಿಗೂಢವಾಗಿ ಸಾವನ್ನಪ್ಪಿದ್ದಾನೆ. ಎಂ.ಒಕೆಂದ್ರು ಅವರ ಪುತ್ರ19 ವರ್ಷದ ಸಿದ್ಧಾರ್ಥ್ ಮೃತ ಯುವಕ. ಸಿದ್ಧಾರ್ಥ್ ವಿದ್ಯಾಭ್ಯಾಸಕ್ಕಾಗಿ ದೆಹಲಿಯಲ್ಲಿ ತನ್ನ ಸಹೋದರಿಯೊಂದಿಗೆ ನೆಲೆಸಿದ್ದ. ಭಾನುವಾರ ಸಂಜೆ 4:10ರ ಸುಮಾರಿಗೆ ರೆಸ್ಟೋರೆಂಟ್‌ವೊಂದರ 2ನೇ ಮಹಡಿಯಿಂದ ಬಿದ್ದು ಸಿದ್ಧಾರ್ಥ್ ಸಾವನ್ನಪ್ಪಿದ್ದಾನೆ. ಸಿದ್ಧಾರ್ಥ್ ಕುಡಿದ ಮತ್ತಿನಲ್ಲಿ ರೆಸ್ಟೋರೆಂಟ್ ಟೆರೇಸ್‌ ಏರಿ ಪಕ್ಕದ ಗೋಡೆಯನ್ನು ಹತ್ತಲು ಯತ್ನಿಸುತ್ತಿದ್ದ. ಆಗ ರೆಸ್ಟೋರೆಂಟ್ನ ವೇಟರ್‌ ಇದನ್ನು ಗಮನಿಸಿ ಗೋಡೆಯಿಂದ ಕೆಳಗಿಳುವಂತೆ ಸಿದ್ಧಾರ್ಥ್ ನಲ್ಲಿ ಕೇಳಿಕೊಂಡ ಎನ್ನಲಾಗಿದೆ. ಆದರೆ, ಇದಾದ ಕೆಲ ಹೊತ್ತಿನಲ್ಲೇ ರೆಸ್ಟೋರೆಂಟ್ನ 2ನೇ ಮಹಡಿಯಿಂದ ಸಿದ್ಧಾರ್ಥ್ ಬಿದ್ದಿದ್ದಾನೆ. ಆಗ ತಕ್ಷಣವೇ ಆತನನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋದರು ಸಿದ್ಧಾರ್ಥ್ ಬದುಕುಳಿದಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಪ್ರಕರಣದ ಕುರಿತು ಪೊಲೀಸರು ತನಿಖೆ ನಡೆಯುತ್ತಿದ್ದಾರೆ
