ಟೋಕಿಯೊ ಒಲಿಂಪಿಕ್ಸ್ 2020 ರಲ್ಲಿ ಚಿನ್ನದ ಪದಕ ಮತ್ತು ಏಷ್ಯನ್ ಗೇಮ್ಸ್ ಸೇರಿದಂತೆ ಹಲವು ಸ್ಪರ್ಧೆಗಳಲ್ಲಿ ಚಿನ್ನದ ಪದಕ ಗೆದ್ದ ಭಾರತದ ಜಾವೆಲಿನ್ ಎಸೆತಗಾರ ನೀರಜ್ ಚೋಪ್ರಾ ಹೆಸರಿನಲ್ಲಿ ಮತ್ತೊಂದು ಸಾಧನೆಯತ್ತ ಹೆಜ್ಜೆ ಹಾಕುತ್ತಿದ್ದಾರೆ. ಗುರುವಾರದಂದು ನೀರಜ್ ಚೋಪ್ರಾ ಅವರನ್ನು ವರ್ಲ್ಡ್ ಅಥ್ಲೆಟಿಕ್ಸ್ 2023 ರ ಪುರುಷರ ವಿಶ್ವ ಅಥ್ಲೀಟ್ ಪ್ರಶಸ್ತಿಗೆ ನಾಮನಿರ್ದೇಶನ ಮಾಡಿದೆ.
11 ಕ್ರೀಡಾಪಟುಗಳನ್ನು ಈ ಪಟ್ಟಿಯಲ್ಲಿ ಸೇರಿಸಲಾಗಿದೆ. ಇದರಲ್ಲಿ ಸ್ಪ್ರಿಂಟರ್ ನೋಹ್ ಲೈಲ್ಸ್, ಸ್ಟೀಪಲ್‌ಚೇಸರ್ ಸುಫ್ಯಾನ್ ಎಲ್ ಬಕ್ಕಲಿ ಮತ್ತು ರೇಸ್ ವಾಕರ್ ಅಲ್ವಾರೊ ಮಾರ್ಟಿನ್ ಕೂಡ ಸೇರಿದ್ದಾರೆ. ನೀರಜ್ ಚೋಪ್ರಾ ಬುಡಾಪೆಸ್ಟ್‌ನಲ್ಲಿ ನಡೆದ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನಲ್ಲಿ ಚಿನ್ನದ ಪದಕವನ್ನು ಗೆಲ್ಲುವ ಮೂಲಕ ಈ ವರ್ಷ ಪ್ರಾರಂಭಿಸಿದರು ಮತ್ತು ಈ ಸಾಧನೆ ಮಾಡಿದ ಮೊದಲ ಭಾರತೀಯರಾದರು. ಆ ಬಳಿಕ ನೀರಜ್ ಚೋಪ್ರಾ ಏಷ್ಯನ್ ಗೇಮ್ಸ್‌ನಲ್ಲಿ ಚಿನ್ನದ ಪದಕ ಗೆದ್ದಿದ್ದರು. ಇದಕ್ಕೂ ಮೊದಲು, ಅವರು ಡೈಮಂಡ್ ಲೀಗ್ 2023 ರಲ್ಲಿ 2ನೇ ಸ್ಥಾನ ಗಳಿಸಿದ್ದರು. 2023ರ ವಿಶ್ವ ಅಥ್ಲೀಟ್‌ಗಳಿಗೆ ಮತದಾನವು ಅ.28, 2023 ರ ಶನಿವಾರದೊಳಗೆ ನಡೆಯಲಿದೆ. ಒಬ್ಬ ವಿಜೇತರ ಹೆಸರನ್ನು 11 ಡಿಸೆಂಬರ್ 2023 ರಂದು ವಿಶ್ವ ಅಥ್ಲೆಟಿಕ್ಸ್‌ನ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಘೋಷಿಸಲಾಗುತ್ತದೆ.
