ಭಾರತ ಮತ್ತು ಜಿಂಬಾಬ್ವೆ ನಡುವಿನ ನಾಲ್ಕನೇ ಟಿ20 ಪಂದ್ಯ ನಡೆಯುತ್ತಿದೆ. ಹರಾರೆ ಸ್ಫೋರ್ಟ್ಸ್ ಕ್ಲಬ್ನಲ್ಲಿ ಈ ಪಂದ್ಯ ಏರ್ಪಟ್ಟಿದೆ. ಮೊದಲಿಗೆ ಟಾಸ್ ಗೆದ್ದ ಇಂಡಿಯಾ ಬೌಲಿಂಗ್ ಆಯ್ಕೆ ಮಾಡಿದೆ. ಜಿಂಬಾಬ್ವೆ ತಂಡ ಬ್ಯಾಟಿಂಗ್ ಇಳಿದು 152 ರನ್ ಟಾರ್ಗೆಟ್ ನೀಡಿದೆ.
ಓಪನಿಂಗ್ ಬ್ಯಾಟ್ಸ್ಮನ್ ಆಗಿ ಮೈದಾನಕ್ಕಿಳಿದ ವೆಸ್ಲಿ ಮಾಧೆವೆರೆ ಮತ್ತು ತಡಿವಾನಾಶೆ ಮರುಮಣಿ ಪಾರ್ಟರ್ಶಿಪ್ನಲ್ಲಿ ಬ್ಯಾಟ್ ಮಾಡಲು ಮುಂದಾದರು. 24 ಬಾಲ್ನಲ್ಲಿ 4 ಬೌಂಡರಿ ಜೊತೆಗೆ 25 ರನ್ ಬಾರಿಸಿ ವೆಸ್ಲಿ ಔಟ್ ಆದರು. ಅತ್ತ ಮರುಮಣಿ 31 ಎಸೆತಕ್ಕೆ 3 ಬೌಂಡರಿ ಬಾರಿಸಿ 32 ರನ್ಗೆ ವಿಕೆಟ್ ಒಪ್ಪಿಸಿದರು.
ಬ್ರಿಯಾನ್ ಬೆನೆಟ್ 9 ರನ್ ಮತ್ತು ಜೋನಾಥನ್ ಕ್ಯಾಂಪ್ಬೆಲ್ 3 ರನ್ಗೆ ಔಟ್ ಆದರು. ಆದರೆ ಜಿಂಬಾಬ್ವೆ ತಂಡದ ನಾಯಕ ಸಿಕಂದರ್ ರಾಜಾ 28 ಬಾಲ್ಗೆ 2 ಬೌಂಡರಿ ಮತ್ತು 3 ಸಿಕ್ಸ್ ಸೇರಿ 46 ರನ್ ಬಾರಿಸಿದರೆ. ಡಿಯೋನ್ ಮೈಯರ್ಸ್ 13 ಬಾಲ್ಗೆ 12 ರನ್ ಬಾರಿಸಿ ಔಟ್ ಆದರು.
ಬಳಿಕ ಕ್ಲೈವ್ ಮತ್ತು ಫರಾಜ್ ಮೈದಾನಕ್ಕಿಳಿದರು. ಕ್ಲೈವ್ 7 ರನ್ಗೆ ಔಟ್ ಆದರೆ ಫರಾಜ್ 3 ರನ್ ಬಾರಿಸುವ ಮೂಲಕ ಟೀಂ ಇಂಡಿಯಾಗೆ 152 ರನ್ಗಳ ಟಾರ್ಗೆಟ್ ನೀಡಿದರು. ಇನ್ನು ವಾಷಿಂಗ್ಟನ್ ಸುಂದರ್, ಅಭಿಷೇಕ್ ಶರ್ಮಾ, ಶಿವಂ ದುಬೆ, ತುಷಾರ್ ದೇಶಪಾಂಡೆ ತಲಾ ಒಂದೊಂದು ವಿಕೆಟ್ ಕಬಳಿಸಿದರು. ಖಲೀಲ್ ಅಹ್ಮದ್ 22 ವಿಕೆಟ್ ಕಿತ್ತರು. ಸದ್ಯ ಜಿಂಬಾಬ್ವೆ ನೀಡಿದ ಸವಾಲನ್ನು ಟೀಂ ಇಂಡಿಯಾ ತೆಗೆದುಕೊಂಡಿದೆ.