ಬುಡಾಪೆಸ್ಟ್: ಇಂದು ಭಾನುವಾರ ನಡೆದ 2024 ಚೆಸ್ ಒಲಿಂಪಿಯಾಡ್ನ ಆರಂಭ ವಿಭಾಗದಲ್ಲಿ ಟೀಮ್ ಇಂಡಿಯಾ ಚಾಂಪಿಯನ್ ಆಗಿ ಹೊರಹೊಮ್ಮಿದೆ. ಎರಡನೇ ಸ್ಥಾನದಲ್ಲಿರುವ ಚೀನಾ ಯುಎಸ್ಎ ವಿರುದ್ಧ ಎರಡು ಬೋರ್ಡ್ಗಳಲ್ಲಿ ಪಾಯಿಂಟ್ಗಳನ್ನು ಕಳೆದುಕೊಂಡ ನಂತರ ತಂಡವು ಕೊನೆಯ ಸುತ್ತಿನಲ್ಲಿ ತನ್ನ ಮೊದಲ ಚಿನ್ನದ ಪದಕ ಗಳಿಸಿತು. ಭಾರತದ ಅರ್ಜುನ್ ಎರಿಗೈಸಿ ಮತ್ತು ಡಿ ಗುಕೇಶ್ ತಂಡಕ್ಕೆ ಗೆಲುವು ಸಾಧಿಸಿಕೊಟ್ಟರು.
ಗುಕೇಶ್ ಅವರು ರಷ್ಯಾದ ವ್ಲಾಡಿಮಿರ್ ಫೆಡೋಸೀವ್ ವಿರುದ್ಧ ಜಯಗಳಿಸುವ ಮೂಲಕ ಒಲಿಂಪಿಯಾಡ್ ಮುಕ್ತಾಯಗೊಳಿಸಿದರು, ಭಾರತಕ್ಕೆ ಐತಿಹಾಸಿಕ ಚಿನ್ನದ ಪದಕ ಗೆಲ್ಲಲು ಇವರ ಆಟ ಸಹಾಯವಾಯಿತು. ಇಂದು ಅರ್ಜುನ್ ಎರಿಗೈಸಿ ಸರ್ಬಿಯಾದ ಜಾನ್ ಸುಬೆಲ್ಜ್ ವಿರುದ್ಧ ಗೆಲುವು ಸಾಧಿಸಿದರು. ಪ್ರಗ್ನಾನಂದ ಅವರು ತಮ್ಮ ಅಭಿಯಾನವನ್ನು ಗೆಲುವಿನೊಂದಿಗೆ ಕೊನೆಗೊಳಿಸಿದರು.
45ನೇ ಫಿಡೆ ಮಹಿಳಾ ಚೆಸ್ ಒಲಿಂಪಿಯಾಡ್ನಲ್ಲೂ ಭಾರತ ಮಹಿಳಾ ತಂಡ ಚಿನ್ನಕ್ಕೆ ಕೊರಳೊಡ್ಡಿದೆ. ಭಾರತ ಮಹಿಳಾ ತಂಡದಲ್ಲಿ ಹರಿಕಾ ದ್ರೋಣವಲ್ಲಿ, ವೈಶಾಲಿ ರಮೇಶ್ಬಾಬು, ದಿವ್ಯಾ ದೇಶಮುಖ್, ವಾಂತಿಕಾ ಅಗರವಾಲ್, ತಾನಿಯಾ ಸಚ್ದೇವ್ ಮತ್ತು ಅಭಿಜಿತ್ ಕುಂಟೆ ಇದ್ದರು. ಪ್ರಶಸ್ತಿ ಬೆನ್ನತ್ತಿದ ಕಜಕಸ್ತಾನವನ್ನು ಡ್ರಾ ಮಾಡಿಕೊಂಡಿದ್ದ ಅಮೆರಿಕ, ಭಾರತದ ವನಿತೆಯರು ಚೊಚ್ಚಲ ಚಿನ್ನಕ್ಕೆ ಕೊರಳೊಡ್ಡಲು ನೆರವಾದರು.