ತಾಷ್ಕೆಂಟ್ (ಉಜ್ಬೇಕಿಸ್ತಾನ್): ಏಷ್ಯನ್ ಅಂಡರ್ 18 ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನ ನಾಲ್ಕನೇ ಮತ್ತು ಅಂತಿಮ ದಿನದಂದು ಭಾರತವು ಒಂದು ಚಿನ್ನ, ಐದು ಆರು ಬೆಳ್ಳಿ ಮತ್ತು ಎರಡು ಕಂಚಿನ ಪದಕಗಳನ್ನು ಗೆದ್ದುಕೊಂಡಿದ್ದು, ಬಾಲಕಿಯರ ತಂಡ 400 ಮೆಡ್ಲೆ ರಿಲೇ ಸ್ಪರ್ಧೆಯಲ್ಲಿ ಚಿನ್ನ ಗೆದ್ದಿದೆ. ಮೆಡ್ಲೆ ರಿಲೇಯಲ್ಲಿ ಭಾರತದ ಬಾಲಕಿಯರ ತಂಡ ಚಿನ್ನ ಗೆದ್ದರೆ, ಬಾಲಕರ ತಂಡ ಬೆಳ್ಳಿ ಪದಕ ಪಡೆಯಿತು.
ಭಾನುವಾರ ನಡೆದ ಏಷ್ಯನ್ ಯೂತ್ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನಲ್ಲಿ ಬಾಪಿ ಹನ್ಸ್ಡಾ ಅವರು ಪುರುಷರ 400 ಮೀಟರ್ ಹರ್ಡಲ್ಸ್ ಸ್ಪರ್ಧೆಯಲ್ಲಿ ಬೆಳ್ಳಿ ಗೆದ್ದ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಮಹಿಳೆಯರ 200 ಮೀ ಓಟದಲ್ಲಿ ರೆಜೋನಾ ಮಲ್ಲಿಕ್ ಹೀನಾ ಬೆಳ್ಳಿ ಗೆದ್ದರು.
ಮೊಹೂರ್ ಮುಖರ್ಜಿ ಹೆಪ್ಟಾಥ್ಲಾನ್‌ನಲ್ಲಿ ಬೆಳ್ಳಿ ಗೆದ್ದರೆ, ರಿತಿಕ್ ಡಿಸ್ಕಸ್‌ನಲ್ಲಿ 54.03 ಮೀ ಎಸೆದು ಎರಡನೇ ಸ್ಥಾನ ಪಡೆದರು. ಬಾಲಕರ 2000 ಮೀಟರ್ ಸ್ಟೀಪಲ್‌ಚೇಸ್‌ನಲ್ಲಿ ಸುಮಿತ್ ರಾಠಿ 5 ನಿಮಿಷ 58.69 ಸೆಕೆಂಡ್‌ಗಳಲ್ಲಿ ಗುರಿ ತಲುಪಿ ಬೆಳ್ಳಿ ಪದಕ ಪಡೆದರು. ಅನುಪ್ರಿಯಾ ಬಾಲಕಿಯರ ಶಾಟ್‌ಪುಟ್‌ನಲ್ಲಿ 16.37 ಮೀ ದೂರದಲ್ಲಿ ಕಂಚು ಗೆದ್ದರು.
