ಮುಂಬಯಿ: ಅಂತರ್ ಶಾಲಾ ಮಟ್ಟದ ಕ್ರಿಕೆಟ್ ಟೂರ್ನಿಯಲ್ಲಿ ಹದಿನೈದು ವರ್ಷದ ಬಾಲಕ ಬರೋಬ್ಬರಿ 1009 ರನ್‌ಗಳನ್ನು ಗಳಿಸಿ ವಿಶ್ವದಾಖಲೆ ನಿರ್ಮಿಸಿದ್ದಾನೆ.
16 ವರ್ಷದೊಳಗಿನ ಅಂತರ್ ಶಾಲಾ ಮಟ್ಟದ ಕ್ರಿಕೆಟ್ ಟೂರ್ನಿಯಲ್ಲಿ 15 ವರ್ಷದ ಪ್ರಣವ್ ಧನವಾಡೆ ಭಂಡಾರಿ ಕಪ್ ಕ್ರಿಕೆಟ್ ಟೂರ್ನಿಯಲ್ಲಿ 323 ಎಸೆತಗಳಲ್ಲಿ 1009 ರನ್‌ಗಳನ್ನು ಗಳಿಸಿ ವಿಶ್ವದಾಖಲೆ ನಿರ್ಮಿಸಿದ್ದಾನೆ. ಇದರಲ್ಲಿ 129 ಬೌಂಡರಿ ಹಾಗೂ 59 ಸಿಕ್ಸರ್‌ಗಳು ಸೇರಿವೆ.
1899 ರಲ್ಲಿ ಇಂಗ್ಲೆಂಡ್‌ನ ಲ್ಲಿ ನಡೆದ ಪಂದ್ಯವೊಂದರಲ್ಲಿ ಕ್ಲಾರ್ಕ್‌ ಹೌಸ್‌ ತಂಡದ ಬ್ಯಾಟ್ಸ್‌ಮನ್‌ ಎಇಜೆ ಕಾಲಿನ್ಸ್‌ ಅವರು 628 ರನ್‌ಗಳನ್ನು ಬಾರಿಸಿ ದಾಖಲೆ ನಿರ್ಮಾಣ ಮಾಡಿರುವುದು ಇತಿಹಾಸವಾಗಿತ್ತು. ಸೋಮವಾರವೇ ಆ ದಾಖಲೆ ಮುರಿದಿದ್ದ ಧನ್‌ವಾಡೆ ಇಂದು ಸಾವಿರ ರನ್‌ಗಳ ಸರದಾರನೆನಿಸಿ ವಿಶ್ವದ ಕ್ರಿಕೆಟ್ ಪಂಡಿತರೆಲ್ಲರ ಗಮನ ತನ್ನತ್ತ ಸೆಳೆದಿದ್ದಾನೆ.
