ಚಿತ್ರ ನಟ ಮಾಧವನ್ ಪುತ್ರ ವೇದಾಂತ್ ಅವರು ಡೆನ್ಮಾರ್ಕ್‌ನ ಕೋಪನ್‌ಹೇಗನ್‌ನಲ್ಲಿ ನಡೆದ ಡ್ಯಾನಿಶ್‌ ಓಪನ್ ಈಜುಸ್ಪರ್ಧೆಯಲ್ಲಿ ಚಿನ್ನದ ಪದಕ ಗೆದ್ದಿದ್ದಾರೆ.
ಪುರುಷರ 800 ಮೀಟರ್ಸ್‌ ಫ್ರೀಸ್ಟೈಲ್ ವಿಭಾಗದಲ್ಲಿ ಸ್ಪರ್ಧಿಸಿದ್ದ 16 ವರ್ಷದ ವೇದಾಂತ್ ಮಾಧವನ್ ಕೇವಲ 8 ನಿಮಿಷ 17.28 ಸೆಕೆಂಡ್ಗಳಲ್ಲಿ ಗುರಿ ತಲುಪಿ ಚಿನ್ನ ಪದಕಕ್ಕೆ ಮುತ್ತಿಕ್ಕಿದರು.
ಡ್ಯಾನಿಶ್‌ ಓಪನ್ ನಲ್ಲಿ ನಿನ್ನೆ ನಡೆದಿದ್ದ 1500 ಮೀಟರ್ ಫ್ರೀಸ್ಟೈಲ್ನಲ್ಲಿ ವೇದಾಂತ್ ಬೆಳ್ಳಿ ಗೆದ್ದಿದ್ದರು. ಇದೀಗ ಚಿನ್ನ ಗೆಲ್ಲುವ ಮೂಲಕ ಎರಡನೇ ಪದ ಗೆದ್ದಿರುವ ಸಾಧನೆ ಮಾಡಿದ್ದಾರೆ.
10 ಮಂದಿ ಸ್ಪರ್ಧಿಸಿದ್ದ ಈ ವಿಭಾಗದ ಫೈನಲ್ ಸುತ್ತಿನಲ್ಲಿ ವೇದಾಂತ್ 15 ನಿಮಿಷ 57.86 ಸೆಕೆಂಡ್ಗಳಲ್ಲಿ ಗುರಿ ತಲುಪಿ 2ನೇ ಬೆಳ್ಳಿಗೆದ್ದಿದ್ದರು. ಭಾರತದವರೇ ಆದ ಸಾಜನ್‌ ಪ್ರಕಾಶ್ ಚಿನ್ನ ಗೆದ್ದಿದ್ದರು.
ವೇದಾಂತ್ ಚಿನ್ನದ ಪದಕ ಸ್ವೀಕರಿಸುತ್ತಿರುವ ವಿಡಿಯೋವನ್ನು ಟ್ವೀಟ್‌ ಮಾಡಿರುವ ಮಾಧವನ್ ತಮ್ಮ ಸಂತಸವನ್ನು ಹಂಚಿಕೊಂಡಿದ್ದಾರೆ.
ನಿಮ್ಮೆಲ್ಲರ ಆಶೀರ್ವಾದ, ದೇವರ ಕೃಪೆಯಿಂದ ಸಜನ್ ಪ್ರಕಾಶ್ ಮತ್ತು ವೇದಾಂತ್ ಮಾಧವನ್ ಕೋಪನ್‌ಹೇಗನ್‌ನಲ್ಲಿ ನಡೆದ ಡ್ಯಾನಿಶ್‌ ಓಪನ್ನಲ್ಲಿ ಭಾರತಕ್ಕೆ ಚಿನ್ನ ಮತ್ತು ಬೆಳ್ಳಿ ಪದಕಗಳನ್ನು ತಂದುಕೊಟ್ಟಿದ್ದಾರೆ. ಕೋಚ್ ಪ್ರದೀಪ್ ಅವರಿಗೆ, ಸ್ವಿಮ್ಮಿಂಗ್ ಫೆಡರೇಷನ್ ಆಫ್ ಇಂಡಿಯಾ ಮತ್ತು ಎಎನ್ಎಸ್ಎಗೆ ಧನ್ಯವಾದಗಳು ಎಂದು ಬರೆದುಕೊಂಡಿದ್ದಾರೆ.
And So TODAY the winning streak continues.. @VedaantMadhavan gets a GOLD at Denmark open.🙏🙏❤️❤️Pradeep Sir @swimmingfedera1 #ANSAdxb & all of you for the continued blessings . 🇮🇳🇮🇳🇮🇳 pic.twitter.com/UhNXMostqx
— Ranganathan Madhavan (@ActorMadhavan) April 17, 2022
