ಮುಂಬೈ: ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿಯ ವಿರಾಟ್ ರೂಪ ಕಂಡು ನಾನು ಹೆದರಿದ್ದೇನೆ ಎಂದು ಭಾರತದ ಸ್ಟಾರ್ ಸ್ಪಿನ್ನರ್ ಆರ್ ಅಶ್ವಿನ್ ಹೇಳಿದ್ದಾರೆ.
ಆರ್ ಅಶ್ವಿನ್ ಖಾಸಗಿ ಪತ್ರಿಕೆಗೆ ನೀಡಿದ ಸಂದರ್ಶನದ ವೇಳೆ ಈ ರೀತಿ ಹೇಳಿದ್ದು, ಧೋನಿ ಮತ್ತು ವಿರಾಟ್ ಕೊಹ್ಲಿ ನಾಯಕತ್ವವನ್ನು ಹೋಲಿಕೆ ಮಾಡಿ, ಧೋನಿ ಪ್ರಬುದ್ಧ ನಾಯಕ. ಕೊಹ್ಲಿ ಈಗಷ್ಟೇ ಎಲ್ಲಾ ಮೂರು ಮಾದರಿಯ ತಂಡಕ್ಕೆ ನಾಯಕನಾಗಿದ್ದಾರೆ. ಅವರ ಅತಿಯಾದ ಆಕ್ರಮಣಕಾರಿತನ ಕೆಲವೊಮ್ಮೆ ಕ್ಷೇತ್ರ ರಕ್ಷಣೆಯಲ್ಲಿ ಬದಲಾವಣೆ ಮಾಡಲು ನಾನು ಹೆದ್ದರಿದ್ದೂ ಇದೆ. ಕೊಹ್ಲಿ ಎದುರಾಳಿಯೊಂದಿಗೆ ನೇರ ಮುಖಾಮುಖಿಗಿಳಿಯಲು ಹೆಚ್ಚು ಇಷ್ಟಪಡುತ್ತಾರೆ ಎಂದು ತಿಳಿಸಿದ್ದಾರೆ.
ಭಾರತ ತಂಡ ಧೋನಿ ನಾಯಕತ್ವದಲ್ಲಿ ಅನೇಕ ಸಾಧನೆಗಳನ್ನು ಮಾಡಿದ್ದು, ಕೊಹ್ಲಿ ನಾಯಕತ್ವದಲ್ಲಿ ಇನ್ನು ಮುಂದೆ ತಂಡ ಮತ್ತೊಂದು ಮಜಲು ಮುಟ್ಟಲಿದೆ ಎಂದು ಅಶ್ವಿನ್ ಹೇಳಿದ್ದಾರೆ.
