ವಿಶೇಷ: ಜುಲೈ ಎರಡನೇ ಶುಕ್ರವಾರವನ್ನು ವಿಶ್ವದಾದ್ಯಂತ ವಿಶ್ವ ಕಬಾಬ್ ದಿನ ಎಂದು ಆಚರಿಸಲಾಗುತ್ತದೆ. ಕಬಾಬ್ ಎಂದರೆ ಸಾಕು ಮಾಂಸಹಾರಿಗಳ ಬಾಯಲ್ಲಿ ನಿರೂರುತ್ತೆ. ಸದ್ಯ ಭಾರತದಲ್ಲೇ ನಾನಾ ತರಹದ ರೆಸಿಪಿಗಳಲ್ಲಿ ಕಬಾಬ್ಗಳನ್ನು ತಯಾರಿಸಲಾಗುತ್ತಿದೆ. ಅದರೆ ಚಿಕನ್ ಕಬಾಬ್ಗೆ ಭಾರತದಲ್ಲಿ ಭಾರೀ ಡಿಮ್ಯಾಂಡ್ ಇದೆ.
ಕಬಾಬ್ ಮಧ್ಯಪ್ರಾಚ್ಯದ ಆಹಾರ. ಟರ್ಕಿಯಲ್ಲಿ ಕಬಾಬ್ ಅನ್ನು ತಯಾರಿಸಲಾಯಿತು. ಮಾಂಸಗಳ ತುಂಡನ್ನು ಗ್ರಿಲ್ ಮಾಡಿ ಬೇಯಿಸಿ ತಯಾರಿಸಲಾಗುತ್ತಿತ್ತು. ಆ ಬಳಿಕ ಕಬಾಬ್ ಇರಾನ್, ಭಾರತದಲ್ಲೂ ಭಾರೀ ಜನಪ್ರಿಯತೆ ಪಡೆಯಿತು. ಅಂದಹಾಗೆಯೇ ಕಬಾಬ್ ಎಂದರೆ ಟರ್ಕಿ ಭಾಷೆಯಲ್ಲಿ “ಬೇಯಿಸಿದ ಮಾಂಸ”ವೆಂದು ಅರ್ಥ.
ಇನ್ನು ಸಾಮಾನ್ಯ ಚಿಕನ್ ಕಬಾಬ್ ಒಂದೆಡೆಯಾದರೆ, ತಂದೂರಿ ಚಿಕನ್ ಕಬಾಬ್, ಸೀಖ್ ಕಬಾಬ್, ಮಲೈ ಚಿಕನ್ ಕಬಾಬ್, ಚಾಪ್ಲಿ ಕಬಾಬ್, ಕಲ್ಮಿ ಕಬಾಬ್, ಗಲೌಟಿ ಕಬಾಬ್, ಶಮಿ, ಬೆಳ್ಳುಳ್ಳಿ ಕಬಾಬ್, ಪನೀರ್ ಟಿಕ್ಕಾ, ಬೀಟ್ರೂಟ್ ಕಬಾಬ್ ಕೂಡ ಜನಪ್ರಿಯತೆ ಪಡೆದ ಖಾದ್ಯವಾಗಿದೆ.
ಇನ್ನು ಕಬಾಬ್ 19ನೇ ಶತಮಾನದಲ್ಲಿ (1800) ಮಧ್ಯಪ್ರಾಚ್ಯದಲ್ಲಿ ಕಾಣಿಸಿಕೊಂಡಿತು. ಟರ್ಕಿ ಮತ್ತು ಪರ್ಷಿಯಾ ಜನರು ಕಬಾಬ್ ಅನ್ನು ಹೆಚ್ಚಾಗಿ ತಯಾರಿಸುತ್ತಿದ್ದರು. 1900ರ ವೇಳೆಗೆ ಕಬಾಬ್ ಎಂಬ ಆಹಾರ ಜಾಗತಿಕವಾಗಿ ಪಸರಿಸಿತು. ಬಳಿಕ ದೇಶ ದೇಶಕ್ಕೆ ಪಸರಿಸಿದಂತೆ ರೆಸಿಪಿಗಳು ಬದಲಾಗತೊಡಗಿದವು.
2015ರಲ್ಲಿ ಮೊದಲ ಕಬಾಬ್ ದಿನವನ್ನು ಆಚರಿಸಲಾಯಿತು. ಅಂದಿನಿಂದ ಜುಲೈ 12ರಂದು ವಿಶ್ವ ಕಬಾಬ್ ದಿನವನ್ನಾಗಿ ಆಚರಿಸಿಕೊಂಡು ಬರಲಾಗುತ್ತಿದೆ.