ನಾಳೆ ಸಂಜೆ ಖಗೋಳ ಮಂಡಲದಲ್ಲಿ ಚಮತ್ಕಾರ ನಡೆಯಲಿದೆ ಗೊತ್ತಾ?

ನಾಳೆ ಇಡೀ ದೇಶ ‘ರಕ್ಷಾ ಬಂಧನ’ದ ಸಂಭ್ರಮದಲ್ಲಿ ಮುಳುಗಲಿದೆ. ವಿಶೇಷ ಅಂದರೆ ನಾಳೆ ಸಂಜೆ ಖಗೋಳ ಮಂಡಲದಲ್ಲಿ ಚಮತ್ಕಾರ ನಡೆಯಲಿದೆ. ರಾತ್ರಿ ಸೂಪರ್ ಮೂನ್ ಪ್ರಕಾಶ ಮಾನವಾಗಲಿದೆ. ಇದನ್ನು ಬ್ಲೂ ಸೂಪರ್ ಮೂನ್ ಎಂದು ಕೂಡ ಕರೆಯಲಾಗುತ್ತದೆ.

ಚಂದ್ರನು ಆಗಸ್ಟ್ 19ರ ರಾತ್ರಿ 11.55ರ ಸುಮಾರಿಗೆ ದೊಡ್ಡದಾಗಿ ಮತ್ತು ಪ್ರಕಾಶಮಾನವಾಗಿ ಕಾಣಿಸುತ್ತಾನೆ. ವಾಸ್ತವವಾಗಿ ನೀಲಿ ಸೂಪರ್ ಮೂನ್​​ನಲ್ಲಿ ಎರಡು ವಿಧಗಳಿವೆ. ಮೊದಲನೆಯದು ಮಾಸಿಕ ಚಂದ್ರ. ಅಂದರೆ ಪ್ರತಿ ಎರಡನೇ ವಾರದ ಹಣ್ಣಿಮೆಗೆ ಗೋಚರಿಸುತ್ತದೆ. ಇನ್ನೊಂದು ಎರಡನೆಯದ ಋತುಮಾನದ ನೀಲಿ ಚಂದ್ರ. ಒಂದು ಋತುವಿನಲ್ಲಿ ಕಂಡು ಬರುವ ನಾಲ್ಕು ಹುಣ್ಣಿಮೆಗಳಲ್ಲಿ ಮೂರನೇಯದ್ದಾಗಿದೆ.

ಮೊದಲ ಹುಣ್ಣಿಮೆಯು ಜೂನ್ 22 ರಂದು ಬಂದಿತ್ತು. ಎರಡನೇಯ ಋತು ಜುಲೈ 21ರಂದು ಬಂದಿತ್ತು. ಮೂರನೆಯದು ಆಗಸ್ಟ್ 19 ರಂದು ಬಂದಿದೆ. ಅಂದರೆ ಇದು ಈ ಋತುವಿನ ಮೂರನೇ ಬ್ಲೂ ಮೂನ್ ಆಗಿದೆ. ಸೆಪ್ಟೆಂಬರ್ 18 ರಂದು ಹಾರ್ವೆಸ್ಟ್ ಮೂನ್ ಇರುತ್ತದೆ.

NASA ನೀಡಿರುವ ಮಾಹಿತಿ ಪ್ರಕಾರ, ಕಾಲೋಚಿತ ನೀಲಿ ಚಂದ್ರ ಪ್ರತಿ ಎರಡು ಮೂರು ವರ್ಷಗಳಿಗೊಮ್ಮೆ ಸಂಭವಿಸುತ್ತದೆ. ನಿಮ್ಮ ಮನೆಯ ಟೆರಸ್ ಅಥವಾ ಅಂಗಳದಿಂದ ಸುಲಭವಾಗಿ ವೀಕ್ಷಣೆ ಮಾಡಬಹುದು. ಚಂದ್ರನ ಮೇಲ್ಮೈ ನೋಡಲು ಬಯಸಿದರೆ ದೂರದರ್ಶಕದಿಂದ ಸುಲಭವಾಗಿ ವೀಕ್ಷಣೆ ಮಾಡಬಹುದಾಗಿದೆ.

ಸ್ಟರ್ಜನ್ ಅಂದರೆ ಮೀನಿನ ಹೆಸರು. ಇವು ಅಮೆರಿಕದ ಗ್ರೇಟ್ಸ್​ ಲೇಕ್ಸ್​ನಲ್ಲಿ ಕಂಡುಬರುತ್ತವೆ. ಮೀನುಗಳು ಹೆಚ್ಚಾಗಿ ಈ ದಿನಗಳಲ್ಲಿ ಕಂಡು ಬರುತ್ತವೆ. ಅದೇ ಕಾರಣಕ್ಕೆ ಈ ಹುಣ್ಣಿಮೆಗೆ ಸ್ಟರ್ಜನ್ ಎಂದು ಹೆಸರು ಇಡಲಾಗಿದೆ. ಕೆಲವು ಕಡೆಗಳಲ್ಲಿ ಇದನ್ನು ಗ್ರೇನ್ ವೈಲ್ಡ್​ ರೈಸ್ ಮೂನ್ ಅಂತಲೂ ಕರೆಯಲಾಗುತ್ತದೆ.