ಹುವಾಯಿ ನೋವಾ ಕಂಪನಿ ಹೊಸ ಪ್ಲಿಪ್​ ಫೋನ್ ಬಿಡುಗಡೆ: ಬೆಲೆ ಎಷ್ಟು ಗೊತ್ತಾ?

ಇದೀಗ ಜನಪ್ರಿಯ ಹುವಾಯಿ ಕಂಪನಿ ಹೊಸ ಪ್ಲಿಪ್​ ಫೋನನ್ನು ಬಿಡುಗಡೆ ಮಾಡಿದೆ. ಹುವಾಯಿ ನೋವಾ ಪ್ಲಿಪ್​​ ನೂತನ ಮಡಚುವ ಫೋನನ್ನು ಪರಿಚಯಿಸಿದೆ.

12ಜಿಬಿ RAM ಆಯ್ಕೆಯಲ್ಲಿ ಪರಿಚಯಿಸಿದ ನೂತನ ಫೋನ್​ ಎರಡು ಡಿಸ್​ಪ್ಲೇಯೊಂದಿಗೆ ಬಂದಿದೆ. ಅಂದಹಾಗೆಯೇ ನೂತನ ಸ್ಮಾರ್ಟ್​ಫೋನ್​ ಬಿಡುಗಡೆಗೊಂಡ 72 ಗಂಟೆಗಳಲ್ಲಿ 45 ಸಾವಿರ ಯುನಿಟ್​​ಗಳಷ್ಟು ಮಾರಾಟ ಕಂಡಿದೆ.

ಹುವಾಯಿ ನೋವಾ ಪ್ಲಿಪ್ ಸ್ಮಾರ್ಟ್​ಫೊನ್​ನಲ್ಲಿ 32 ಮೆಗಾಫಿಕ್ಸೆಲ್​ ಸೆಲ್ಫಿ ಕ್ಯಾಮೆರಾ, 66 ವ್ಯಾಟ್​​ ವೇಗದ ಚಾರ್ಜಿಂಗ್​​ ಸೇರಿದಂತೆ ಹಲವು ವೈಶಿಷ್ಟ್ಯಗಳನ್ನು ಹೊಂದಿದೆ. ಹುವಾಯಿ ನೋವಾ ಪ್ಲಿಪ್ 1136×2690 ಪಿಕ್ಸೆಲ್​ ರೆಸಲ್ಯೂಶನ್​ನೊಂದಿಗೆ 6.94 ಇಂಚಿನ LTPO OLED ಡಿಸ್​​ಪ್ಲೇಯನ್ನು ಹೊಂದಿದೆ.

ಜೊತೆಗೆ 480×480 ಪಿಕ್ಸೆಲ್​​ ರೆಸಲ್ಯೂಶನ್​​ನ 2.14 ಇಂಚಿನ ಸೆಕೆಂಡರಿ ಡಿಸ್​ಪ್ಲೇಯನ್ನು ಸಹ ಹೊಂದಿದೆ. 120HZ ರಿಫ್ರೆಶ್​ ದರವನ್ನು ಬೆಂಬಲಿಸುತ್ತದೆ. ಅಚ್ಚರಿಯ ಸಂಗತಿ ಎಂದರೆ 1ಟಿಬಿ ತನಕ ಆಂತರಿಕ ಸಂಗ್ರಹಣೆಯ ಆಯ್ಕೆಯಲ್ಲೂ ಸಿಗುತ್ತಿದೆ.

ಸ್ಮಾರ್ಟ್​ಫೋನ್​ನಲ್ಲಿ ಫೋಟೋಗ್ರಫಿಗಾಗಿ ಡ್ಯುಯೆಲ್​ ರಿಯರ್​​ ಕ್ಯಾಮೆರಾ ನೀಡಲಾಗಿದೆ. 50 ಮೆಗಾಫಿಕ್ಸೆಲ್​ ಲೆನ್ಸ್​ನೊಂದಿಗೆ 8 ಮೆಗಾಫಿಕ್ಸೆಲ್​ ಅಲ್ಟ್ರಾವೈಡ್​​ ಆ್ಯಂಗಲ್​​ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಸೆಲ್ಫಿಗಾಗಿ 32 ಮೆಗಾಫಿಕ್ಸೆಲ್​ ಕ್ಯಾಮೆರಾ ನೀಡಲಾಗಿದೆ.

ನೂತನ ಸ್ಮಾರ್ಟ್​ಫೊನ್​ನಲ್ಲಿ 4000 mAh ಬ್ಯಾಟರಿ ನೀಡಲಾಗಿದ್ದು, 66 ವ್ಯಾಟ್​​ ವೇಗದ ಚಾರ್ಜಿಂಗನ್ನು ಬೆಂಬಲಿಸುತ್ತದೆ. ಇದಲ್ಲಿದೆ ಫೋನ್​ 4.2 ಹಾರ್ಮೊನಿಒಎಸ್​ನಿಂದ ಕಾರ್ಯ ನಿರ್ವಹಿಸುತ್ತದೆ. ಗ್ರಾಹಕರಿಗಾಗಿ ಹಸಿರು, ಪಿಂಕ್​, ಝಿರೋ ವೈಟ್​ ಆ್ಯಂಡ್​​ ಸ್ಟಾರಿ ಬ್ಲಾಕ್​ ಬಣ್ಣದಲ್ಲಿ ಸಿಗುತ್ತಿದೆ. 62 ಸಾವಿರ ರೂಪಾಯಿಗೆ ಖರೀದಿಸಬಹುದಾಗಿದೆ.