ಮೈಸೂರು: ಸ್ವಾತಂತ್ರ್ಯ ಅಮೃತ ಮಹೋತ್ಸವದ ಹಿನ್ನೆಲೆಯಲ್ಲಿ ಮೈಸೂರಿನ ಎಂಐಟಿ ಕಾಲೇಜು ನೂತನ ದಾಖಲೆ ನಿರ್ಮಿಸಲು ಮುಂದಾಗಿದೆ. ಪ್ರಧಾನಮಂತ್ರಿ ನರೇಂದ್ರ ಮೋದಿಯವರ ಸ್ಟೆನ್ಸಿಲ್ ಕಲಾಕೃತಿ ರಚಿಸಿ ಗಮನ ಸೆಳೆದಿದೆ.
ಸ್ವಾತಂತ್ರ್ಯ ಬಂದು 75 ವರ್ಷಗಳು ಸಂದ ಹಿನ್ನಲೆಯಲ್ಲಿ ದಾಖಲೆ ನಿರ್ಮಿಸಲು ಮುಂದಾದ ಕಾಲೇಜು ವಿದ್ಯಾರ್ಥಿಗಳು ಹಾಗೂ ಆಡಳಿತ ಮಂಡಳಿ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರ ಸ್ಟೆನ್ಸಿಲ್ ಕಲಾಕೃತಿ ರಚಿಸಿ ವಿಶ್ವ ದಾಖಲೆ ಮಾಡಲು ನಾಂದಿ ಹಾಡಿದ್ದಾರೆ.
50X50 ಅಡಿ ಸುತ್ತಳತೆಯ ಬೃಹತ್ ಸ್ಟೆನ್ಸಿಲ್ ಪೋಟ್ರೆಟ್ನ್ನು ಪೇಪರ್ ಕಟ್ಟಿಂಗ್ ಮೂಲಕ ರಚಿಸಲಾಗಿದೆ. ಕಾಲೇಜಿನ ೭೫ ವಿದ್ಯಾರ್ಥಿಗಳ ನಿರಂತರ ಪರಿಶ್ರಮದ ಫಲವಾಗಿ ಪೋಟ್ರೆಟ್ ನಿರ್ಮಾಣಗೊಂಡಿದ್ದು, ದಾಖಲೆಗೆ ಪ್ರಯತ್ನಿಸಲಾಗಿದೆ. ಸ್ಟೆನ್ಸಿಲ್ ಪೋಟ್ರೆಟ್ ಮೂಲಕ ಮೋದಿ ಪೇಪರ್ ಕಟ್ಟಿಂಗ್ ರಚಿಸಲಾಗಿದ್ದು, 50 ಅಡಿ ಸುತ್ತಳತೆ ಬೃಹತ್ ಪೇಪರ್ ಕಟ್ಟಿಂಗ್ ಪೋಟ್ರೆಟ್ ನಗರದ ಜಿಎಸ್ಎಸ್ ಹಾಗೂ ಎಂಐಟಿ ಕಾಲೇಜಿನ ವಿದ್ಯಾರ್ಥಿಗಳ ಸಹಯೋಗದಲ್ಲಿ ದಾಖಲೆಯ ಪ್ರಯತ್ನವಾಗಿದೆ.
ಅಜಾದಿ ಕಾ ಅಮೃತ್ ಮಹೋತ್ಸವದ ಹಿನ್ನೆಲೆಯಲ್ಲಿ ಪ್ರಧಾನಿ ಮೋದಿಗೆ ಗೌರವ ಸಮರ್ಪಣೆ ಮಾಡುವ ಉದ್ದೇಶದೊಂದಿಗೆ ಇದನ್ನು ನಿರ್ಮಿಸಲಾಗಿದೆ ಎಂದು ಕಾಲೇಜಿ ಆಡಳಿತ ಮಂಡಳಿ ತಿಳಿಸಿದ್ದು, ಇದು ದಾಖಲೆಯಾಗಲಿದೆ ಎಂದಿದ್ದಾರೆ.