ಕೊಡಗು: ಚೇರಂಬಾಣೆ ಗೌಡ ಸಮಾಜ ಹಾಗೂ ಕೊಡಗು ಗೌಡ ಯುವ ವೇದಿಕೆ ಸಹಯೋಗದಲ್ಲಿ ಇದೇ ಪ್ರಥಮ ಬಾರಿಗೆ ಹತ್ತು ಕುಟುಂಬ 18 ಗೋತ್ರದ ಕೊಡಗು ಗೌಡ ಜನಾಂಗದ ಗ್ರಾಮ, ಗ್ರಾಮಗಳ ನಡುವಿನ ಕ್ರಿಕೆಟ್ ಪಂದ್ಯಾವಳಿ ಹಾಗೂ 0.22 ಮತ್ತು 12 ಬೋರ್ ಬಂದೂಕಿನ ಗುರಿ ಹೊಡೆತ ಪುರುಷರ ಹಾಗೂ ಮಹಿಳೆಯ ಮುಕ್ತ ಪಂದ್ಯಾವಳಿ ಡಿ.25 ರಿಂದ ಡಿ.31ರ ವರೆಗೆ ನಡೆಯಲಿದೆ.
ಚೇರಂಬಾಣೆಯ ಅರುಣ ಪದವಿ ಪೂರ್ವ ಕಾಲೇಜು ಮೈದಾನದಲ್ಲಿ ಡಿ.25 ರಂದು ಬೆಳಗ್ಗೆ 9 ಗಂಟೆಗೆ ಚೇರಂಬಾಣೆ ಗೌಡ ಸಮಾಜದ ಅಧ್ಯಕ್ಷ ಕೊಡಪಾಲು ಗಪ್ಪು ಪಂದ್ಯಾವಳಿಗೆ ಚಾಲನೆ ನೀಡಲಿದ್ದಾರೆ.
ಮುಖ್ಯ ಅತಿಥಿಗಳಾಗಿ ಕೊಡಗು ಗೌಡ ಯುವ ವೇದಿಕೆ ಉಪಾಧ್ಯಕ್ಷರಾದ ಪಣತ್ತಲೆ ಜಗದೀಶ್ ಮಂದಪ್ಪ, ಚೇರಂಬಾಣೆ ಅರುಣ ಪದವಿ ಪೂರ್ವ ಕಾಲೇಜಿನ ಪ್ರಾಂಶುಪಾಲ ದಾಯನ ರಾಮಚಂದ್ರ ಭಾಗವಹಿಸಲಿದ್ದಾರೆ.
ಡಿ.25 ರಂದು ಬೆಳಿಗ್ಗೆ 9 ಗಂಟೆಯಿಂದ 10.30ರ ವರೆಗೆ 0.22 ಮತ್ತು 12 ಬೋರ್ ಬಂದೂಕಿನ ನೋಂದಾವಣಿ ಪ್ರಕ್ರಿಯೆ ಮೈದಾನದಲ್ಲಿಯೇ ನಡೆಯಲಿದೆ. ನಂತರ ಬರುವವರಿಗೆ ಅವಕಾಶ ಇರುವುದಿಲ್ಲ. 0.22-50 ಮೀ. ಮತ್ತು 12 ಬೋರ್ 30 ಮೀ. ಗುರಿ ಹೊಂದಿರುತ್ತದೆ.
ಪಂದ್ಯಾವಳಿ ವಿಜೇತರಿಗೆ ಆಕರ್ಷಕ ನಗದು ಹಾಗೂ ಟ್ರೋಫಿ ನೀಡಿ ಗೌರವಿಸಲಾಗುವುದು. ಈಗಾಗಲೇ ಕ್ರಿಕೆಟ್ ಟೈಸ್ ಪ್ರಕ್ರಿಯೆ ನಡೆದಿದ್ದು, ಡಿ.25 ರಂದು ಚೇರಂಬಾಣೆ ಗೌಡ ಸಮಾಜ ಹಾಗೂ ಕೊಡಗು ಗೌಡ ಯುವ ವೇದಿಕೆ ನಡುವೆ ಪ್ರದರ್ಶನ ಪಂದ್ಯ.
