ಚಾಮರಾಜನಗರ: ಭಾನುವಾರ ಜಿಲ್ಲೆಯಲ್ಲಿ 356 ಮಂದಿ ಕೋವಿಡ್‌ನಿಂದ ಗುಣಮುಖರಾಗಿದ್ದಾರೆ ಸಾವು ಸಂಭವಿಸಿಲ್ಲ,ಸಕ್ರಿಯ ಪ್ರಕರಣಗಳ ಸಂಖ್ಯೆ 1,650ಕ್ಕೆ ಇಳಿಕೆಯಾಗಿದೆ.
ಭಾನುವಾರದ ಅಂಕಿ ಅಂಶಗಳೊಂದಿಗೆ ಜಿಲ್ಲೆಯಲ್ಲಿ ಇದುವರೆಗೆ ದೃಢಪಟ್ಟ ಕೋವಿಡ್ ಪ್ರಕರಣಗಳ ಸಂಖ್ಯೆ 42,301ಕ್ಕೆ ಏರಿದೆ. ಗುಣಮುಖರಾದವರ ಸಂಖ್ಯೆ 40 ಸಾವಿರ ದಾಟಿದೆ. ಈವರೆಗೆ 40,097 ಮಂದಿ ಚೇತರಿಸಿಕೊಂಡಿದ್ದಾರೆ. ಕೋವಿಡ್ ಹಾಗೂ ಕೋವಿಡ್ ಯೇತರ ಕಾರಣಗಳಿಂದ 595 ಮಂದಿ ಪ್ರಾಣಕಳೆದುಕೊಂಡಿದ್ದಾರೆ.
ಸೋಂಕಿತರ ಪೈಕಿ ಏಳು ಮಂದಿ ಐಸಿಯುನಲ್ಲಿ ಚಿಕಿತ್ಸೆಪಡೆಯುತ್ತಿದ್ದಾರೆ. 1,565 ಸೋಂಕಿತರು ಹೋಂ ಐಸೊಲೇಷನ್‌ನಲ್ಲಿದ್ದಾರೆ. ಉಳಿದವರು ಕೋವಿಡ್ ಆಸ್ಪತ್ರೆಗೆ ಹಾಗೂ ಕೋವಿಡ್ ಕೇರ್‌ ಕೇಂದ್ರಗಳಲ್ಲಿದ್ದಾರೆ.
ಸೋಂಕು ದೃಢಪಟ್ಟ 194 ಮಂದಿಯಲ್ಲಿ 21 ಮಕ್ಕಳಿದ್ದಾರೆ.ಚಾಮರಾಜನಗರ ತಾಲ್ಲೂಕಿನಲ್ಲಿ 64, ಗುಂಡ್ಲುಪೇಟೆಯಲ್ಲಿ 60, ಹನೂರಿನಲ್ಲಿ 35, ಕೊಳ್ಳೇಗಾಲದಲ್ಲಿ 21 ಹಾಗೂ ಯಳಂದೂರು ತಾಲ್ಲೂಕಿನಲ್ಲಿ 14 ಪ್ರಕರಣಗಳು ದೃಢಪಟ್ಟಿವೆ.
ಗುಣಮುಖರಾದ 356 ಜನರಲ್ಲಿ ಚಾಮರಾಜನಗರ ತಾಲ್ಲೂಕಿನ 131, ಗುಂಡ್ಲುಪೇಟೆಯ 115, ಹನೂರಿನ 59, ಕೊಳ್ಳೇಗಾಲದ 33 ಹಾಗೂ ಯಳಂದೂರು ತಾಲ್ಲೂಕಿನ 18 ಮಂದಿ ಸೇರಿದ್ದಾರೆ.
