ಮಂಗಳೂರು: ನವೀನ ಸಂಶೋಧನೆ ಮತ್ತು ಆವಿಷ್ಕಾರಗಳಲ್ಲಿ ಮುಂಚೂಣಿಯಲ್ಲಿರುವ ಯೆನಪೋಯ (ಪರಿಗಣಿಸಲ್ಪಟ್ಟ ವಿಶ್ವವಿದ್ಯಾನಿಲಯ)ವು “ಟೂತ್ಬ್ರಶ್ ವಿತ್ ಬಿಲ್ಟ್-ಇನ್ ಸೆಲ್ಫ್-ಡಿಸ್ಇನ್ಫೆಕ್ಟಂಟ್” (ಅರ್ಜಿ ಸಂಖ್ಯೆ: 202441080875) ಎಂಬ ಪೇಟೆಂಟ್ ಅನ್ನು ಫುವು ಸೊಲ್ಯೂಷನ್ಸ್ ಎಲ್ಎಲ್ಪಿಗೆ 11 ಸೆಪ್ಟೆಂಬರ್ 2025ರಂದು ಅಧಿಕೃತವಾಗಿ ಹಸ್ತಾಂತರ ಮಾಡಿದೆ. ಈ ದಂತ-ಟೆಕ್ ಸ್ಟಾರ್ಟ್ಅಪ್ ಯೆನಪೋಯ ಟೆಕ್ನಾಲಜಿ ಇಂಕ್ಯೂಬೇಟರ್ (YTI)ಯಲ್ಲಿ ಬೆಳೆಯುತ್ತಿರುವುದು ವಿಶೇಷ.
ಡಾ. ಕೆ. ಎಸ್. ಗಂಗಾಧರ ಸೋಮಯಾಜಿ, ರಿಜಿಸ್ಟ್ರಾರ್, ಯೆನಪೋಯ (ಪರಿಗಣಿಸಲ್ಪಟ್ಟ ವಿಶ್ವವಿದ್ಯಾನಿಲಯ), ಶ್ರೀ ಅಸೀಂ ಸಯೀದ್ ಶಿರಾಜ್, ಯೆನಪೋಯ ಟೆಕ್ನಾಲಜಿ ಇಂಕ್ಯೂಬೇಟರ್ , ಡಾ. ರೂಬೆನ್ ಎ. ಜೇಕಬ್, ಡಾ. ಫಹೀಝಾ ಎ., ಡಾ. ರಿಯಾಜ್ ಅಬ್ದುಲ್ಲಾ, ಡಾ. ದೇವಿಕಾ ಜಯರಾಜನ್ ಮತ್ತು ಡಾ. ಸಾರಾ ಮೇರಿಯಂ ಅಬ್ರಹಾಂ ಈ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.
ಈ ಆವಿಷ್ಕಾರವು ವಾಣಿಜ್ಯೀಕರಣ ಪೂರ್ವ ಹಂತದಲ್ಲಿದ್ದು, ಟೂತ್ಬ್ರಶ್ ಪ್ರತೀ ಬಳಕೆಯ ನಂತರ ಸ್ವಯಂ ಸ್ವಚ್ಛಗೊಳ್ಳುವ ತಂತ್ರಜ್ಞಾನವನ್ನು ಹೊಂದಿದೆ. ಇದು ಜೈವಿಕ ಸೋಂಕು ಮತ್ತು ಮರು ಸೋಂಕಿನ ಅಪಾಯ ಕಡಿಮೆ ಮಾಡುವಲ್ಲಿ ಮಹತ್ವದ ಪಾತ್ರ ವಹಿಸುತ್ತದೆ.
ಈ ಪೇಟೆಂಟ್ ಹಸ್ತಾಂತರವು ಸ್ಟಾರ್ಟ್ಅಪ್ಗೆ ಕ್ಲಿನಿಕಲ್ ದೃಢೀಕರಣ, ಹೂಡಿಕೆದಾರರ ಸಹಭಾಗಿತ್ವ ಹಾಗೂ ಮಾರುಕಟ್ಟೆ ಪ್ರವೇಶದತ್ತ (MSME ಡಿಸೈನ್ ಸ್ಕೀಮ್ ಮತ್ತು ಸ್ಟಾರ್ಟ್ಅಪ್ ಇಂಡಿಯಾ ಯೋಜನೆಗಳಡಿ) ದೊಡ್ಡ ಹೆಜ್ಜೆಯಾಗಿದೆ.
ಡಾ. ರೂಬನ್ ಎ. ಜೇಕಬ್, ಸಹ-ಸ್ಥಾಪಕರು ಮತ್ತು ಸಿಇಒ, ಫುವು ಸೊಲ್ಯೂಷನ್ಸ್ ಎಲ್ಎಲ್ಪಿ “ಈ ಹಸ್ತಾಂತರವು ವಿಶ್ವವಿದ್ಯಾಲಯ ಮೂಲದ ನವೀನತೆಯ ಶಕ್ತಿಯನ್ನು ದೃಢಪಡಿಸುವುದಷ್ಟೇ ಅಲ್ಲ, ಈ ಪರಿಹಾರವನ್ನು ಮನೆಮನೆಗೆ, ದಂತ ಚಿಕಿತ್ಸಾಲಯಗಳಿಗೆ ಮತ್ತು ಜಾಗತಿಕ ಓರಲ್ ಕೇರ್ ಮಾರುಕಟ್ಟೆಗಳಿಗೆ ತಲುಪಿಸಲು ನಮಗೆ ಬಲ ನೀಡುತ್ತದೆ. ಯೆನಪೋಯ ವಿಶ್ವವಿದ್ಯಾಲಯ ಮತ್ತು ವೈ ಟಿ ಐ ಅವರ ನಿರಂತರ ಬೆಂಬಲಕ್ಕಾಗಿ ನಾವು ಹೃತ್ಪೂರ್ವಕ ಧನ್ಯವಾದಗಳನ್ನು ಅರ್ಪಿಸುತ್ತೇವೆ ಎಂದು ತಿಳಿಸಿದರು
ಈ ಆವಿಷ್ಕಾರವು ಮುಂದಿನ ತಲೆಮಾರಿನ ಬಾಯಿಯ ಆರೋಗ್ಯ ಉತ್ಪನ್ನವಾಗಿದ್ದು, ಸಮಾಜಮುಖಿ ಪರಿಣಾಮವನ್ನು ಉಂಟುಮಾಡುವ ಸಾಮರ್ಥ್ಯ ಹೊಂದಿದೆ. ಇದು ಸಮಗ್ರ ಅಭಿವೃದ್ಧಿ ಗುರಿ 3 (SDG-3: ಉತ್ತಮ ಆರೋಗ್ಯ ಮತ್ತು ಕ್ಷೇಮಾಭಿವೃದ್ಧಿ) ಹಾಗೂ ಮೇಕ್ ಇನ್ ಇಂಡಿಯಾ ಮುಂದಾಳತ್ವಗಳೊಂದಿಗೆ ಹೊಂದಾಣಿಕೆಯಾಗಿರುತ್ತದೆ.