ಕಾರವಾರದ ನೌಕಾ ಸಂಗ್ರಹಾಲಯಕ್ಕೆ ಟೊಪೆಲೋ ಯುದ್ಧ ವಿಮಾನ ಸೇರ್ಪಡೆ

ಕಾರವಾರ: ಟೊಪೆಲೋ ಯುದ್ಧ ವಿಮಾನ ಕಾರವಾರಕ್ಕೆ ತರಲು ವಿಳಂಬವಾಗಿದೆ. ಈ ತಾಂತ್ರಿಕ ಸಮಸ್ಯೆ ಬಗೆಹರಿದಿದ್ದು ಶೀಘ್ರವೇ ಟೊಪೆಲೊ ಯುದ್ಧ ವಿಮಾನ ಕಾರವಾರದ ಚಪೇಲ್ ಯುದ್ಧ ನೌಕಾ ಸಂಗ್ರಹಾಲಯಕ್ಕೆ ಸೇರಲಿದೆ ಎಂದು ಐಎನ್ಎಸ್ ಕದಂಬ ನೌಕಾನೆಲೆಯ ಕರ್ನಾಟಕ ನೌಕಾ ಪ್ರದೇಶದ ಫ್ಲಾಗ್ ಆಫೀಸರ್ ಅಥುಲ್ ಆನಂದ ಹೇಳಿದರು.

ನಗರದಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು ಈಗಾಗಲೇ ಟೆಂಡರ್ ಹಾಕಿದವರ ಪೈಕಿ ಇಬ್ಬರು ಟೆಂಡರ್ ದಾರರು ಅರ್ಹತೆ ಪಡೆದವರಾಗಿದ್ದಾರೆ. ಪ್ರಕ್ರಿಯೆ ಅಂತ್ಯಗೊಳಿಸಲಾಗುವುದು. ನಾಲ್ಕು ತಿಂಗಳಲ್ಲಿ ಚೆನೈನಿಂದ ಸ್ಥಳಾಂತರಗೊಳಿಸುವ ಕಾರ್ಯ ಪ್ರಾರಂಭವಾಗಲಿದೆ ಎಂದರು.

ಟೊಪೆಲೋ ಯುದ್ಧ ವಿಮಾನ ತರಲು ನೌಕಾಸೇನೆಯು 4 ಕೋಟಿ ರೂ. ಖರ್ಚು ಮಾಡುತ್ತಿದೆ. ಸದ್ಯ ಟೆಂಡರ್ ಕರೆದಿದ್ದು, ಎರಡು ಅರ್ಜಿಗಳು ಬಂದಿವೆ. ನಾಲ್ಕು ತಿಂಗಳಲ್ಲಿ ಟೆಂಡರ್ ಪ್ರಕ್ರಿಯೆ ಮುಗಿಸಿ ವಿಮಾನವನ್ನು ಸ್ಥಳಾಂತರಿಸುವ ಕಾರ್ಯ ಪ್ರಾರಂಭವಾಗಲಿದೆ ಟೊಪೆಲೋ ದೊಡ್ಡ ಯುದ್ಧ ವಿಮಾನವಾಗಿದೆ. ಅದನ್ನು ಚೆನೈನಿಂದ ಕಾರವಾರಕ್ಕೆ ಸಣ್ಣ ಭಾಗಗಳಾಗಿ ವಿಂಗಡಿಸಿ ತರಬೇಕಾಗುತ್ತದೆ. ಈ ವರೆಗೆ ಇದ್ದ ತಾಂತ್ರಿಕ ಸಮಸ್ಯೆಗಳನ್ನು ಸರಿಪಡಿಸಿದ್ದೇವೆ ಎಂದರು. ವಾರ್ಶಿಪ್ ಮ್ಯೂಸಿಯಂ ಇರುವ ಪ್ರದೇಶ ಯುದ್ಧ ನೌಕೆ, ವಿಮಾನ ಶಸ್ತ್ರಾಸ್ತ್ರಗಳ ಮ್ಯೂಸಿಯಂ ಆಗಲಿದೆ. ಕಾರವಾರದ ನೌಕಾನೆಲೆಯಲ್ಲಿ 8 ರಿಂದ 10 ಸಾವಿರ ಜನರಿದ್ದಾರೆ. ಮುಂದಿನ ದಿನಗಳಲ್ಲಿ 15 ರಿಂದ 16 ಸಾವಿರ ಜನರು ಬರಲಿದ್ದಾರೆ. ಇದರಿಂದ ನಮ್ಮ ಎಲ್ಲಾ ಬೇಡಿಕೆಗಳನ್ನು ಕಾರವಾರ ನಗರವೇ ಪೂರೈಸಲಿದೆ. ಆಗ ಕಾರವಾರ ನಗರವೂ ಬೆಳೆಯಲಿದೆ ಎಂದರು. ನೌಕಾ ಸೇನೆ ವಿಮಾನ ನಿಲ್ದಾಣದ ಜತೆಗೆ ನಾಗರಿಕ ವಿಮಾನ ನಿಲ್ದಾಣದ ಕೆಲಸವೂ ನಡೆಯಲಿದೆ ಎಂದರು. ಜಿಲ್ಲಾ ಉಸ್ತುವಾರಿ ಸಚಿವ ಕೋಟಾ ಶ್ರೀನಿವಾಸ ಪೂಜಾರಿ ಶಂಕುಸ್ಥಾಪನೆ ಮಾಡಿದರು.