ಶಿರಸಿ: ಅಬಕಾರಿ ವಶದಲ್ಲಿದ್ದ ಮದ್ಯ ನಾಶ

ಶಿರಸಿ: ಶಿರಸಿ ವಿಭಾಗದಲ್ಲಿ ಅಬಕಾರಿ ಹಾಗೂ ಪೊಲೀಸ್ ಇಲಾಖೆ ಯಿಂದ ಜಪ್ತಿ ಪಡಿಸಿಕೊಂಡಿದ್ದ ಲಕ್ಷಕ್ಕೂ ಅಧಿಕ ಮೊತ್ತದ ಮದ್ಯವನ್ನು ನಗರದ ಅಬಕಾರಿ ಕಚೇರಿಯಲ್ಲಿ ಅಬಕಾರಿ ಅಧಿಕಾರಿಗಳು ನಾಶಪಡಿಸಿದರು.

ಕಳೆದ 2019-20ನೇ ಸಾಲಿನಿಂದ 15 ಅಬಕಾರಿ ಪ್ರಕರಣಗಳಲ್ಲಿ 1,75000 ರೂ. ಮೌಲ್ಯದ ಮದ್ಯವನ್ನು ಪೊಲೀಸ್ ಹಾಗೂ ಅಬಕಾರಿ ಅಧಿಕಾರಿಗಳು ವಶಪಡಿಸಿಕೊಂಡಿದ್ದರು. 1,65,300 ರೂ. ಮೌಲ್ಯದ 337.77 ಲೀ. ಮದ್ಯ, 9000 ರೂ. ಮೌಲ್ಯದ 71.77 ಲೀ. ಬೀಯರ್ ಹಾಗೂ 700ರೂ. ಮೌಲ್ಯದ 7ಲೀ ಕಳ್ಳಭಟ್ಟಿಯನ್ನು ವಶಕ್ಕೆ ಪಡೆದು ಪ್ರಕರಣ ದಾಖಲಿಸಿಕೊಂಡಿದ್ದರು.

ಅಬಕಾರಿ ಇಲಾಖೆ ಕಚೇರಿಯಲ್ಲಿ ಮದ್ಯವನ್ನು ನಾಶಪಡಿಸಿದರು. ಈ ಸಂದರ್ಭದಲ್ಲಿ ಶಿರಸಿ ವಿಭಾಗದ ಅಬಕಾರಿ ಉಪ ಅಧೀಕ್ಷಕ ಹೆಚ್. ಎಸ್. ಶಿವಪ್ಪ, ಅಬಕಾರಿ ನಿರೀಕ್ಷಕ ಮಹೇಂದ್ರ ಎಸ್., ವಲಯ ಅಬಕಾರಿ ನಿರೀಕ್ಷಕಿ ಜ್ಯೋತಿಶ್ರೀ ನಾಯ್ಕ, ಉಪ ನಿರೀಕ್ಷಕ ಡಿ.ಎನ್. ಶಿರ್ಸಿಕ‌ರ್ ಸೇರಿ ಹಲವರು ಇದ್ದರು.