ಕಾರವಾರ: ಹೋವರ್ ಕ್ರಾಫ್ಟ್ ಬೇಸ್ ಮಾಡಲು ಸ್ಥಳೀಯರ ಸಹಮತಿಯೂ ಅಗತ್ಯ

ಕಾರವಾರ: ನಗರದ ಕಡಲತೀರ ವ್ಯಾಪ್ತಿಯ ದಿವೇಕರ್ ಕಾಲೇಜಿನ ಬಳಿ ಕೋಸ್ಟ್ ಗಾರ್ಡ್ ನ ಹೋವರ್ ಕ್ರಾಫ್ಟ್ ನಿಲುಗಡೆ ಮಾಡುವ ಬೇಸ್ ಮಾಡಲು ಸ್ಥಳೀಯ ಮೀನುಗಾರರ ಸಹಮತಿಯ ಅಗತ್ಯವಿದೆ ಎಂದು ಭಾರತೀಯ ಕೋಸ್ಟ್ ಗಾರ್ಡ್ ಪಶ್ಚಿಮ ವಲಯ ಕಮಾಂಡರ್ ಮನೋಜ್ ಬಾಡಕರ ಹೇಳಿದ್ದಾರೆ.

ಅರ್ಗಾದ ಭಾರತೀಯ ಕೋಸ್ಟ್ ಗಾರ್ಡ್ ಕಚೇರಿಯಲ್ಲಿ ಶನಿವಾರ ಪತ್ರಿಕಾಗೋಷ್ಠಿ ನಡೆಸಿದ ಅವರು, ಸಮುದ್ರದಲ್ಲಿ ಮೂಲಕ ನಡೆಯಬಹುದಾದ ಯಾವುದೇ ಅಕ್ರಮಗಳನ್ನು ತಡೆಯಲು ಕೋಸ್ಟ್ ಗಾರ್ಡ್ ಗೆ ಹೋವರ್ ಕ್ರಾಫ್ಟ್ ಸಹ ಅಗತ್ಯ.

ಕಾರವಾರದ ದಿವೇಕರ್ ಕಾಲೇಜಿನ ಬಳಿಕ ಕೋಸ್ಟ್ ಗಾರ್ಡ್ ಕಚೇರಿ, ಸೇರಿದಂತೆ ಹೋವರ್ ಕ್ರಾಫ್ಟ್ ನಿಲುಗಡೆ ಮಾಡುವ ವ್ಯವಸ್ಥೆ ಮಾಡುವ ಉದ್ದೇಶವಿತ್ತು. ಆದರೆ ಸ್ಥಳೀಯರು ಹಾಗೂ ಮೀನುಗಾರರು ವಿರೋಧ ವ್ಯಕ್ತಪಡಿಸಿದ್ದರಿಂದ ಯೋಜನೆಯನ್ನು ಕೈಬಿಡಲಾಗಿತ್ತು. ಅದಾದ ಬಳಿಕ ಅಮದಳ್ಳಿಯಲ್ಲಿ ಕೋಸ್ಟ್ ಗಾರ್ಡ್ ಕಚೇರಿ ನಿರ್ಮಾಣಕ್ಕೆ 25 ಎಕರೆ ಭೂಮಿ ಖರೀದಿ ಮಾಡಲಾಗಿದೆ. ಕಚೇರಿ ನಿರ್ಮಾಣ ಪ್ರಗತಿಯಲ್ಲಿದೆ. ಬರುವ ಎರಡು ವರ್ಷಗಳಲ್ಲಿ ಕಚೇರಿ ನಿರ್ಮಾಣ ಪೂರ್ಣಗೊಳ್ಳುವ ನಿರೀಕ್ಷೆ ಇದೆ. ಆದರೆ ಹೋವರ್ ಕ್ರಾಫ್ಟ್ ಗಾಗಿ ಸೂಕ್ತ ಸ್ಥಳ ಇಲ್ಲದೆ ಇದ್ದರಿಂದ ಈ ಹಿಂದೆ ಯೋಜಿಸಿದ್ದ ಸ್ಥಳವೇ ಸೂಕ್ತ ಸ್ಥಳವಾಗಿದ್ದರಿಂದ ಚಿಂತನೆ ನಡೆಸಲಾಗಿದೆ. ಆದರೆ ಸ್ಥಳೀಯ ಮೀನುಗಾರರ ವಿರೋಧ ಇದ್ದರಿಂದ ಯಾವುದೇ ಕ್ರಮಕೈಗೊಂಡಿಲ್ಲ. ಸ್ಥಳೀಯ ಮೀನುಗಾರರ ವಿರೋಧದ ನಡುವೆ ಯಾವುದೇ ಬೇಸ್ ಮಾಡಲು ಸಾಧ್ಯವಾಗದ ಮಾತು. ಮೀನುಗಾರರು ಕೋಸ್ಟ್ ಗಾರ್ಡ್ ಕಣ್ಣು ಇದ್ದ ಹಾಗೇ ಎಂದರು. ಈ ವಿಷಯದ ಬಗ್ಗೆ ಮೀನುಗಾರರ ಜೊತೆ ಚರ್ಚೆ ನಡೆಸಲಾಗುತ್ತಿದೆ ಎಂದರು.