ಮಂಗಳೂರು: ಮಾಂಡ್ ಸೊಭಾಣ್ ನಿರ್ಮಾಣದ ಅಸ್ಮಿತಾಯ್ ಸಿನೆಮಾದ ಮುಹೂರ್ತ 30.01.23 ರಂದು ಶಕ್ತಿನಗರದ ಕಲಾಂಗಣದಲ್ಲಿ ನೆರವೇರಿತು. ಕೊಂಕಣಿ ಮುಂದಾಳು ವಂ. ಮಾರ್ಕ್ ವಾಲ್ಡರ್ ಆಶೀರ್ವಚನ ನೆರವೇರಿಸಿದರು.
ಸಿನೆಕ್ಷೇತ್ರದ ದಿಗ್ಗಜ ರಿಚಾರ್ಡ್ ಕ್ಯಾಸ್ತೆಲಿನೊ ಕ್ಲಾಪ್ ಮಾಡಿ ಚಾಲನೆ ನೀಡಿದರು. ಸಿನೆಮಾಟೊಗ್ರಾಫರ್ ಬಾಲರಾಜ್ ಗೌಡ ಪ್ರಥಮ ದೃಶ್ಯಗಳನ್ನು ಸೆರೆ ಹಿಡಿದರು.
ವಿಲಾಸ್ ರತ್ನಾಕರ್ ಕ್ಷತ್ರಿಯ ಆಕ್ಷನ್ – ಕಟ್ ಹೇಳಲಿರುವ ಈ ಚಿತ್ರವು 2 ಶೆಡ್ಯೂಲ್ ಗಳಲ್ಲಿ ಮಂಗಳೂರು, ಚಿಕ್ಕಮಗಳೂರು, ಉತ್ತರ ಕನ್ನಡ ಹಾಗೂ ಗೋವಾದ ರಮಣೀಯ ಸ್ಥಳಗಳಲ್ಲಿ ಶೂಟಿಂಗ್ ನಡೆಸಿ, ಸೆಪ್ಟೆಂಬರ್ ಹೊತ್ತಿಗೆ ಥಿಯೆಟರ್ ಗಳಲ್ಲಿ ಬಿಡುಗಡೆಯಾಗಲಿದೆ ಎಂದು ಅಧ್ಯಕ್ಷ ಲುವಿ ಪಿಂಟೊ ತಿಳಿಸಿದ್ದಾರೆ.