ಕಾಸರಗೋಡು : ಆಯತಪ್ಪಿ ಬಾವಿಗೆ ಬಿದ್ದ ಮೂರು ವರ್ಷದ ಮೊಮ್ಮಗಳನ್ನು ರಕ್ಷಿಸುವ ಮೂಲಕ ಆಕೆಯ ಅಜ್ಜಿ ಸಾಹಸ ಮೆರೆದಿದ್ದಾರೆ.
ಇಂತಹ ಘಟನೆ ಕಳ್ಳಾರ್ ಅಡ್ಕದಲ್ಲಿ ಶನಿವಾರ ಸಂಜೆ ಸಂಭವಿಸಿದ. ಮನೆ ಬಳಿ ಆಟವಾಡುತ್ತಿದ್ದ ಕಳ್ಳಾರ್ ಅಡ್ಕ ನಿವಾಸಿ ಲೀಲಮ್ಮ(56) ಅವರ ಮೊಮ್ಮಗಳು ಆಕಸ್ಮಿಕವಾಗಿ ಬಾವಿಗೆ ಬಿದ್ದಳು. ಇದನ್ನು ಕಂಡ ಲೀಲಮ್ಮ ತಕ್ಷಣ ಬಾವಿಗೆ ಧುಮುಕಿ, ಮಗುವನ್ನು ಎತ್ತಿ ಬಾವಿಯೊಳಗೆ ಮೋಟಾರ್ಗೆ ಅಳವಡಿಸಿದ ಪೈಪನ್ನು ಹಿಡಿದು ನಿಂತಿದ್ದಾರೆ.
ಸುದ್ದಿ ತಿಳಿಯುತ್ತಿದ್ದಂತೆ ಕುತ್ತಿಕೋಲ್ನಿಂದ ಕಳ್ಳಾರ್ ಅಡ್ಕಗೆ ಆಗಮಿಸಿದ ಅಗ್ನಿಶಾಮಕ ಸಿಬ್ಬಂದಿಯು ಅಜ್ಜಿ-ಮೊಮ್ಮಗಳನ್ನು ಸುರಕ್ಷಿತವಾಗಿ ಮೇಲಕ್ಕೆತ್ತಿದ್ದಾರೆ. ಬಾವಿಯಲ್ಲಿ ಅಲ್ಪ ಪ್ರಮಾಣದ ನೀರಿದ್ದ ಕಾರಣ ಹೆಚ್ಚಿನ ಅಪಾಯ ಉಂಟಾಗಿರಲಿಲ್ಲ.
