ವಿಜಯನಗರ: ಚಲಿಸುವ ರೈಲಿನಿಂದ ಅಪರಿಚಿತ ಯುವಕ- ಯುವತಿ ಕೆಳಗೆ ಬಿದ್ದು ಮೃತಪಟ್ಟ ಘಟನೆ ಹೊಸಪೇಟೆ ತಾಲೂಕಿನ ಕೊಟಗಿನಾಳ್ ಗ್ರಾಮದ ಬಳಿ ಶನಿವಾರ ಸಂಭವಿಸಿದೆ.
50 ಅಡಿ ಅಂತರದಲ್ಲಿ ಯುವತಿ ಮತ್ತು ಯುವಕನ ಶವಗಳು ರೈಲ್ವೆ ಹಳಿ ಪಕ್ಕದಲ್ಲೇ ಬಿದ್ದಿದ್ದು, ಮೃತರ ಹೆಸರು-ಬಗ್ಗೆ ವಿಳಾಸ ಇನ್ನೂ ಪತ್ತೆಯಾಗಿಲ್ಲ.
ಬಳ್ಳಾರಿಯಿಂದ ಹುಬ್ಬಳ್ಳಿ ಕಡೆ ಹೊರಟಿದ್ದ ರೈಲು ಅಂತ ಹೇಳಲಾಗ್ತಿದೆ. ಚಲಿಸುವ ರೈಲಿನ ಡೋರ್ನಲ್ಲಿ ಕುಳಿತಾಗ ಡೋರ್ ಬಡಿದು ಕೆಳಗೆ ಬಿದ್ದಿರಬಹುದು ಎಂಬ ಶಂಕೆ ವ್ಯಕ್ಯವಾಗಿದೆ. ಇವರಿಬ್ಬರ ಮೊಬೈಲ್ ಫೋನ್ಗಳು ಸದ್ಯ ಆಫ್ ಆಗಿವೆ. ಸ್ಥಳಕ್ಕೆ ಬಳ್ಳಾರಿ ರೈಲ್ವೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಮೃತರ ವಯಸ್ಸು ಅಂದಾಜು 21 ವರ್ಷ ಇರಬಹುದು.