ಬೆಂಗಳೂರು: ಬಾಂಗ್ಲಾದೇಶ ಮತ್ತು ಶ್ರೀಲಂಕಾ ನಡುವಿನ ಸರಣಿಯ ಎರಡನೇ ಮತ್ತು ಅಂತಿಮ ಟೆಸ್ಟ್ ಪಂದ್ಯದ ವೇಳೆ ಒಂದು ತಮಾಷೆಯ ಘಟನೆ ನಡೆಯಿತು. ಬಾಂಗ್ಲಾದೇಶದ ನಾಯಕ ನಜ್ಮುಲ್ ಹುಸೇನ್ ಶಾಂಟೊ ಅವರ ವಿಚಿತ್ರ ನಿರ್ಧಾರ ಪರಿಶೀಲನಾ ವ್ಯವಸ್ಥೆ (ಡಿಆರ್ಎಸ್) ಕರೆ ವೀಕ್ಷಕವಿವರಣೆಗಾರರು ಮತ್ತು ಅಭಿಮಾನಿಗಳನ್ನು ದಿಗ್ಭ್ರಮೆಗೊಳಿಸಿತು.
ಇದು 44ನೇ ಓವರ್‌ನಲ್ಲಿ ನಡೆದಿದೆ. ಕುಸಾಲ್ ಮೆಂಡಿಸ್ ಬ್ಯಾಟಿಂಗ್ ಮಾಡುತ್ತಿದ್ದರು. ತೈಜುಲ್ ಇಸ್ಲಾಂ ಬೌಲಿಂಗ್ ಮಾಡಿದರು.
ಇಸ್ಲಾಂ ಹಾಕಿದ ಚೆಂಡನ್ನು ಮೆಂಡಿಸ್ ಜಸ್ಟ್ ಟಚ್ ಮಾಡಿಬಿಟ್ಟರು. ಬ್ಯಾಟ್‌ನ ಮಧ್ಯಭಾಗಕ್ಕೆ ಬಾಲ್ ಬಡಿದಿರುವುದು ಸ್ಪಷ್ಟವಾಗಿ ಕಾಣಿಸಿತು. ಆದರೆ, ಶಾಂಟೊ ತಡಮಾಡದೆ ವಿಮರ್ಶೆ ತೆಗೆದುಕೊಂಡರು. ಅಂಪೈರ್ಗೆ ಇದು ಸ್ಪಷ್ಟವಾಗಿ ನಾಟೌಟ್ ಎಂದು ತಿಳಿದಿತ್ತು. ಆದರೆ ಈ ವಿಮರ್ಶೆಗೆ ಎಲ್ಲರೂ ನಕ್ಕರು. ಸಾಮಾಜಿಕ ಜಾಲತಾಣಗಳಲ್ಲಿ ಕ್ರೀಡಾ ಪ್ರೇಮಿಗಳು ಬಾಂಗ್ಲಾದೇಶದ ನಿರ್ಧಾರವನ್ನು ಟ್ರೋಲ್ ಮಾಡಿದ್ದಾರೆ.
ರಿಪ್ಲೆನಲ್ಲಿ ಚೆಂಡು ಬ್ಯಾಟ್ಗೆ ತಾಗಿರುವುದು ನೋಡಿ ನಾಯಕ ಮುಖಭಂಗಕ್ಕೆ ಒಳಗಾದರು. ಇದು ಕ್ರಿಕೆಟ್ ಇತಿಹಾಸದಲ್ಲೇ ಅತ್ಯಂತ ಕೆಟ್ಟ ಡಿಆರ್ಎಸ್ಗಳಲ್ಲಿ ಒಂದಾಗಿದೆ. ಈ ಪ್ರಮಾದವು ಆಶ್ಚರ್ಯವನ್ನು ಉಂಟು ಮಾಡಿದೆ.
ಇದು ಈ ದಶಕದ ಕೆಟ್ಟ ರಿವಿವ್ಯೂ ಎಂದು ನೆಟ್ಟಿಗರು ಟ್ರೋಲ್ ಮಾಡಿದ್ದಾರೆ. ಡಿಆರ್ಎಸ್ ತೆಗೆದುಕೊಳ್ಳುವ ಅಗತ್ಯವಿಲ್ಲ ಎಂದು ನಾನು ಮನೆಯಿಂದಲೇ ಹೇಳುತ್ತಿದ್ದೆ ಎಂದು ಇನ್ನೊಬ್ಬ ಬಳಕೆದಾರರು ಬರೆದಿದ್ದಾರೆ.
What just happened? 👀
.
.#BANvSL #FanCode #CricketTwitter pic.twitter.com/sJBR5jMSov— FanCode (@FanCode) March 30, 2024
