ಬೆಂಗಳೂರು: ಏಪ್ರಿಲ್ 28 ರಂದು ನಡೆಯಲಿರುವ ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ ವರ್ಲ್ಡ್ 10ಕೆ ಬೆಂಗಳೂರಿನ 16ನೇ ಆವೃತ್ತಿಯ ಅಂತಾರಾಷ್ಟ್ರೀಯ ಈವೆಂಟ್ನ ಅಂಬಾಸಿಡರ್ ನಾಲ್ಕು ಬಾರಿ ವಿಶ್ವ ಚಾಂಪಿಯನ್ ಹಾಗೂ ಎರಡು ಬಾರಿ ಒಲಿಂಪಿಕ್ ಪದಕ ವಿಜೇತೆ ಶಾಟ್ ಪುಟರ್ ಡೇಮ್ ವ್ಯಾಲೆರಿ ಆಡಮ್ಸ್ ಅವರು ಈ ಈವೆಂಟ್ನ ರಾಯಬಾರಿಯಾಗಿ ಆಯ್ಕೆಯಾಗಿದ್ದಾರೆ.
ನ್ಯೂಜಿಲೆಂಡ್ನ 39 ವರ್ಷದ ಕ್ರೀಡಾಪಟು ಸಾರ್ವಕಾಲಿಕ ಅತ್ಯಂತ ಯಶಸ್ವಿ ಮಹಿಳಾ ಶಾಟ್ ಪುಟರ್ ಆಗಿದ್ದಾರೆ. 2008 ಮತ್ತು 2012ರಲ್ಲಿ ಒಲಿಂಪಿಕ್ಸ್ನಲ್ಲಿ ಆಡಿದ ಐದು ಪಂದ್ಯಗಳಲ್ಲಿ ಅವರು ಎರಡು ಚಿನ್ನದ ಪದಕಗಳು, 2016ರಲ್ಲಿ ಬೆಳ್ಳಿ ಮತ್ತು 2020ರಲ್ಲಿ ಕಂಚಿನ ಪದಕ ಗೆದ್ದಿದ್ದಾರೆ. ಗಮನಾರ್ಹವಾಗಿ, ಆಡಮ್ಸ್ ವಿಶ್ವ ಚಾಂಪಿಯನ್ಶಿಪ್ನಲ್ಲಿ ಸತತ ನಾಲ್ಕು ಚಿನ್ನದ ಪದಕಗಳ ಪ್ರಭಾವಶಾಲಿ ದಾಖಲೆ ಹೊಂದಿದ್ದಾರೆ. ಜೊತೆಗೆ ನಾಲ್ಕು ಬಾರಿ ವಿಶ್ವ ಒಳಾಂಗಣ ಚಾಂಪಿಯನ್ ಮತ್ತು ಮೂರು ಬಾರಿ ಕಾಮನ್ವೆಲ್ತ್ ಕ್ರೀಡಾಕೂಟದ ವಿಜೇತರಾಗಿದ್ದಾರೆ.
ಒಲಿಂಪಿಕ್ ಚಾಂಪಿಯನ್ ವಾಲೆರಿ ಆಡಮ್ಸ್ ವಿಶ್ವ 10 ಕೆ ಬೆಂಗಳೂರು 2024 ರ ಅಂತರರಾಷ್ಟ್ರೀಯ ಈವೆಂಟ್ನ ರಾಯಭಾರಿಯಾಗಿ ನೇಮಕಗೊಂಡಿದ್ದಾರೆ.
ಟಿಸಿಎಸ್ ವರ್ಲ್ಡ್ 10ಕೆ ಬೆಂಗಳೂರಿನ 16ನೇ ಆವೃತ್ತಿಯೊಂದಿಗಿನ ಒಡನಾಟದ ಕುರಿತು ಮಾತಾಡಿದ ಆಡಮ್ಸ್, ಉತ್ತಮ ಉದ್ದೇಶಕ್ಕಾಗಿ ನಮ್ಮನ್ನು ಒಂದುಗೂಡಿಸುವ ಕ್ರೀಡೆಯ ಶಕ್ತಿ ನಿಜವಾಗಿಯೂ ಗಮನಾರ್ಹ. ಏಕತೆ ಮತ್ತು ಸಮುದಾಯಿಕ ಮನೋಭಾವ ಸಾಕಾರಗೊಳಿಸುವಲ್ಲಿ ಯಶಸ್ವಿಯಾಗಿರುವ ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ ವರ್ಲ್ಡ್ 10 ಕೆ ಬೆಂಗಳೂರಿನಲ್ಲಿ ಭಾಗವಹಿಸಲು ನಾನು ಹೆಮ್ಮೆ ಪಡುತ್ತೇನೆ. ಭಾರತದಲ್ಲಿ ಓಟದ ಕುರಿತು ಹೆಚ್ಚುತ್ತಿರುವ ಉತ್ಸಾಹವು ಪ್ರೇರಕ ಮತ್ತು ಸ್ಫೂರ್ತಿದಾಯಕ ಎಂದು ಹೇಳಿದ್ದಾರೆ.