ತುಮಕೂರು : ಏಷ್ಯಾದ ಅತಿದೊಡ್ಡ ಸೋಲಾರ್ ಘಟಕಗಳಲ್ಲಿ ಒಂದು ಎಂಬುದಾಗಿ ಕರೆಸಿಕೊಂಡಿದ್ದು, ಪಾವಗಡದ ಸೋಲಾರ್ ಘಟಕವಾಗಿದೆ. ಈ ಘಟಕಕ್ಕೆ ಇಂದು ಪಾರ್ಕ್ ನ ಒಣಹುಲ್ಲಿಗೆ ಬಿದ್ದಂತ ಬೆಂಕಿ, ಕ್ಷಣಾರ್ಧದಲ್ಲಿ ಸೋಲಾರ್ ಘಟಕಕ್ಕೂ ವ್ಯಾಪಿಸಿದ ಪರಿಣಾಮ, 70 ಎಕರೆಯಲಲ್ಲಿದ್ದಂತ ಕೇಬಲ್ ವೈಯರ್ ಸೇರಿದಂತೆ ವಿವಿಧ ಸಾಮಗ್ರಿಗಳು ಸುಟ್ಟು ಭಸ್ಮವಾಗಿವೆ.
ಪಾವಗಡದಲ್ಲಿ ಏಷ್ಯಾದಲ್ಲಿಯೇ ಅತಿದೊಡ್ಡ ಸೋಲಾರ್ ಘಟಕ ನಿರ್ಮಾಣವಾಗಿತ್ತು. ಈ ಘಟಕವನ್ನು ಆಂಧ್ರಪ್ರದೇಶ ಮೂಲಕ ಸಿದ್ಧಾರ್ಥ ಸಂಸ್ಥೆಯ ನಿರ್ವಹಣೆ ಮಾಡುತ್ತಿತ್ತು. ಇಂದು ಬೇಸಿಗೆಯಲ್ಲಿ ಒಣಗಿದ್ದಂತ ಹುಲ್ಲಿಗೆ ಬಿದ್ದಂತ ಬೆಂಕಿಯು, ಸೋಲಾರ್ ಘಟಕಕ್ಕೂ ವ್ಯಾಪಿಸಿದೆ. ಈ ಪರಿಣಾಮ 70 ಎಕರೆಯಲ್ಲಿದ್ದ ಕೇಬಲ್ ವೈಯರ್, ಆಸೆಮ್ಲಿ ಬಾಕ್ಸ್ ಸೇರಿದಂತೆ ವಿವಿಧ ಸಾಮಗ್ರಿಗಳು ಬೆಂಕಿಗೆ ಆಹುತಿಯಾಗಿವೆ.
ಸೋಲಾರ್ ಘಟಕಕ್ಕೆ ಬೆಂಕಿ ಬಿದ್ದ ವಿಷಯ ತಿಳಿದು ಸ್ಥಳೀಯರು ಕೂಡಲೇ ಬೆಂಕಿ ನಂದಿಸೋದಕ್ಕೆ ನೆರವಾಗಿದ್ದಾರೆ. ಈ ಪರಿಣಾಮ ಇನ್ನೂ ಬೆಂಕಿಯಿಂದ ಮುಂದೆ ಆಗಲಿದ್ದಂತ ಮತ್ತಷ್ಟು ಅನಾಹುತ ತಪ್ಪಿದೆ. ಜೊತೆಗೆ ಅಗ್ನಿಶಾಮಕ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ ಬೆಂಕಿ ನಂದಿಸೋ ಕಾರ್ಯ ಮಾಡಿದ್ದಾರೆ. ಈ ಘಟಕಕ್ಕೆ ಬೆಂಕಿ ಬೀಳಲು ಸಿದ್ಧಾರ್ಥ ಸಂಸ್ಥೆಯ ಅಸಮರ್ಪಕ ನಿರ್ವಹಣೆಯ ಕೊರತೆಯೇ ಕಾರಣ ಎಂಬುದಾಗಿ ಆರೋಪಿಸಲಾಗಿದೆ.