ಬೆಂಗಳೂರು: ಈಗ ನಗರ ಪ್ರದೇಶಗಳಲ್ಲಿ ಸ್ವಿಗ್ಗಿ, ಜೊಮೆಟೊ ನಂತಹ ಆನ್ ಲೈನ್ ಡೆಲಿವರಿ ಆಪ್ ಮೂಲಕ ಆಹಾರ ಆರ್ಡರ್ ಮಾಡುವವರ ಸಂಖ್ಯೆ ದಿನೇ ದಿನೇ ಹೆಚ್ಚುತ್ತಿದೆ.
ಅದೇ ರೀತಿ ವಿಶೇಷ ದಿನಗಳಲ್ಲಿ ಇಷ್ಟು ಲಕ್ಷ ಲಕ್ಷ ಸಂಖ್ಯೆಯಲ್ಲಿ ಗ್ರಾಹಕರು ಬಿರಿಯಾನಿ ಸೇರಿದಂತೆ ಫುಡ್ ಆರ್ಡರ್ ಮಾಡಿದ ವಿವರಗಳನ್ನು ಈ ಆಪ್ಗಳು ಸಂತೊಷದಿಂದ ಹಂಚಿಕೊಳ್ಳುತ್ತವೆ. ಆದರೆ ತೆರಿಗೆ ಕಟ್ಟುವ ವಿಚಾರದಲ್ಲಿ ಈ ಸಂಸ್ಥೆಗಳು ಹಿಂದೆ ಬಿದ್ದಿವೆ ಎಂಬ ವಿಷಯ ಈಗ ಹೊರಬಂದಿದೆ.
ಜೊಮಾಟೊ ಮತ್ತು ಸ್ವಿಗಿ ಸಂಸ್ಥೆ ಬಾಕಿ ಉಳಿಸಿಕೊಂಡಿರುವ 750 ಕೋಟಿ ರೂ. ಪರೋಕ್ಷ ತೆರಿಗೆ ಪಾವತಿಸುವಂತೆ ಜಿಎಸ್ಟಿ ಗುಪ್ತದಳ ಡೈರಕ್ಟರ ಜನರಲ್ ನೋಟಿಸ್ ಜಾರಿ ಮಾಡಿದೆ.
ಈ ಪೈಕಿ ಜೊಮೊಟೊ ದಿಂದ 400 ಕೋಟಿ ಹಾಗೂ ಸ್ವಿಗಿಯಿಂದ 350 ಕೋಟಿ ರೂ. ತೆರಿಗೆ ಸರ್ಕಾರಕ್ಕೆ ಪಾವತಿಯಾಗಬೇಕಿದೆ ಎಂದು ಮೂಲಗಳು ಹೇಳಿವೆ.