ಬೆಂಗಳೂರು: ಬೆಂಗಳೂರಿನ ಟೆಕ್ ಕಾರಿಡಾರ್ಗಳಲ್ಲಿ ವಸತಿ ಮನೆಗಳ ಬಾಡಿಗೆ ದರಗಳು ವ್ಯಾಪಕವಾಗಿ ಏರಿಕೆ ಕಂಡಿವೆ. ಮಾರತಹಳ್ಳಿ, ಬೆಳ್ಳಂದೂರು ಮತ್ತು ವೈಟ್ಫೀಲ್ಡ್ನಂತಹ ಪ್ರತಿಷ್ಠಿತ ಏರಿಯಾಗಳಲ್ಲಿ ವಸತಿ ಬಾಡಿಗೆಗಳು ಶೇ 50 ಕ್ಕಿಂತ ಹೆಚ್ಚು ಏರಿಕೆಯಾಗಿವೆ.
ಕೋವಿಡ್ ನಂತರದಲ್ಲಿ ಸಾಪ್ಟ್ವೇರ್ ಕಂಪನಿಗಳಿಗೆ ಹತ್ತಿರ ಇರುವ ಮನೆಗಳಿಗೆ ಬೇಡಿಕೆ ಹೆಚ್ಚಾಗಿರುವುದು ಈ ಬೆಳವಣಿಗೆಗೆ ಕಾರಣವಾಗಿದೆ.
ಐಟಿ ಕಾರಿಡಾರ್ನ ಯಾವುದೇ ವಸತಿ ಪ್ರದೇಶದಲ್ಲಿ 1,000 ಚದರ ಅಡಿಗಿಂತ ಕಡಿಮೆ ಇರುವ 2-ಬಿಎಚ್ಕೆ ಮನೆಗೆ ಬಾಡಿಗೆದಾರರು ತಿಂಗಳಿಗೆ ಕನಿಷ್ಠ 30,000 ರೂ.ಗಳನ್ನು ಪಾವತಿಸಬೇಕಾಗುತ್ತದೆ ಎಂದು ತಿಳಿದುಬಂದಿದೆ.
ಕೋವಿಡ್ಗಿಂತ ಮೊದಲು 2- ಬಿಎಚ್ಕೆ ಮನೆಗಳು ಅಥವಾ ಫ್ಲಾಟ್ಗಳನ್ನು 12,000 ರಿಂದ 20,000 ರೂ ಗಳಿಗೆ ಬಾಡಿಗೆ ನೀಡಲಾಗುತ್ತಿತ್ತು. ಈಗ ಅದು 25,000 ರಿಂದ 40,000 ರೂ.ಗಳಾಗಿವೆ.
ಸಾಂಕ್ರಾಮಿಕ ಪೂರ್ವದಲ್ಲಿ ಇವುಗಳು ರೂ 7,000ದಿಂದ 10,000 ಕ್ಕೆ ಲಭ್ಯವಿದ್ದವು. ಹೆಚ್ಚಿನ ಬಾಡಿಗೆಯ ಹೊರತಾಗಿಯೂ, ಪ್ಲಾಟ್ಗಳ ಬೇಡಿಕೆ ಹೆಚ್ಚಿದೆ. ಸಾವಿರಾರು ಫ್ಲಾಟ್ಗಳು ಅಲ್ಪಾವಧಿಯಲ್ಲಿಯೇ ಬಾಡಿಗೆದಾರರನ್ನು ಪಡೆಯುತ್ತಿವೆ.