ಬೆಂಗಳೂರು: ಪ್ರಮುಖ ಡಿಜಿಟಲ್ ಪಾವತಿ ವೇದಿಕೆಯಾದ ಫೋನ್‌ಪೇ ತನ್ನ ಸ್ಮಾರ್ಟ್‌ಸ್ಪೀಕರ್‌ಗಳಿಗೆ ತಮಿಳು, ಮಲಯಾಳಂ, ತೆಲುಗು ಮತ್ತು ಕನ್ನಡ ಭಾಷೆಗಳಲ್ಲಿ ಧ್ವನಿ ಪಾವತಿ ಅಧಿಸೂಚನೆಗಳನ್ನು(ವಾಯ್ಸ್‌ ಪೇಮೆಂಟ್‌ ನೋಟಿಫಿಕೇಶನ್‌) ಸಕ್ರಿಯಗೊಳಿಸಿದೆ. PhonePe ಶೀಘ್ರದಲ್ಲೇ ಮರಾಠಿ ಮತ್ತು ಇತರ ಪ್ರಾದೇಶಿಕ ಭಾಷೆಗಳಲ್ಲಿ ಅಧಿಸೂಚನೆಗಳನ್ನು ಪ್ರಾರಂಭಿಸಲಿದೆ.
ಗ್ರಾಹಕರ ಮೊಬೈಲ್‌ ಫೋನ್‌ ಗಳನ್ನು ಪರಿಶೀಲಿಸದೇ ಅಥವಾ ಬ್ಯಾಂಕ್‌ನಿಂದ ಪಾವತಿ ದೃಢೀಕರಣ SMS ಗಾಗಿ ಕಾಯದೆ, ತಮ್ಮ ಆಯ್ಕೆಯ ಪ್ರಾದೇಶಿಕ ಭಾಷೆಯಲ್ಲಿ ಗ್ರಾಹಕರ ಪಾವತಿಗಳನ್ನು ತ್ವರಿತವಾಗಿ ದೃಢಪಡಿಸಬಹುದು. ತಮ್ಮ ಆಯ್ಕೆಯ ಸ್ಥಳೀಯ ಭಾಷೆಯಲ್ಲಿ ಧ್ವನಿ ಪಾವತಿ ಅಧಿಸೂಚನೆಗಳನ್ನು ಸೇರಿಸುವುದರೊಂದಿಗೆ, ವ್ಯಾಪಾರಿಗಳು ಯಾವುದೇ ಹೆಚ್ಚುವರಿ ಶುಲ್ಕಗಳನ್ನು ಪಾವತಿಸದೆಯೇ, ವ್ಯಾಪಾರಕ್ಕಾಗಿ PhonePe ಅಪ್ಲಿಕೇಶನ್‌ನಲ್ಲಿ ತಮ್ಮ ಆದ್ಯತೆಯ ಭಾಷೆಯಲ್ಲಿ PhonePe ಸ್ಮಾರ್ಟ್ಸ್ಪೀಕರ್ ಪಡೆಯಬಹುದು.
ವ್ಯಾಪಾರಿಗಳು ಫೋನ್‌ಪೇ ಸ್ಮಾರ್ಟ್‌ಸ್ಪೀಕರ್‌ನಲ್ಲಿ ತಮ್ಮ ಆಯ್ಕೆಯ ಪ್ರಾದೇಶಿಕ ಭಾಷೆಯನ್ನು ಡೌನ್ಲೋಡ್ ಮಾಡಬಹುದು. PhonePe ಯ ಸ್ಮಾರ್ಟ್ಸ್ಪೀಕರ್ ವಿಭಾಗಕ್ಕೆ ಹೋಗಿ ಮತ್ತು ಭಾಷಾ ಪಟ್ಟಿಯ ಅಡಿಯಲ್ಲಿ, ಲಭ್ಯವಿರುವ ಬಹು ಆಯ್ಕೆಗಳಿಂದ ಆದ್ಯತೆಯ ಭಾಷೆಯನ್ನು ಆಯ್ಕೆ ಮಾಡಿಕೊಳ್ಳಬಹುದು. ಆಯ್ಕೆಮಾಡಿದ ಭಾಷೆ ಡೌನ್ಲೋಡ್ ಆಗುತ್ತದೆ ಮತ್ತು ನವೀಕರಿಸಿದ ಭಾಷೆಯೊಂದಿಗೆ ರೀಬೂಟ್ ಆಗುತ್ತದೆ. ಅಂಗಡಿಗಳಲ್ಲಿ ವಿಶ್ವಾಸಾರ್ಹ ಮತ್ತು ಅನುಕೂಲಕರ ಪಾವತಿ ಟ್ರ್ಯಾಕಿಂಗ್ ಒದಗಿಸಲು PhonePe ಕಳೆದ ವರ್ಷ SmartSpeakers ಅನ್ನು ಪ್ರಾರಂಭಿಸಿತು.
