ಬೆಂಗಳೂರು: ನವೆಂಬರ್ 2 ರಂದು ಇಲ್ಲಿ ಪ್ರಾರಂಭವಾಗುವ ಮೂರು ದಿನಗಳ ಜಾಗತಿಕ ಹೂಡಿಕೆದಾರರ ಸಮಾವೇಶಕ್ಕಾಗಿ ಐದು ನಿಮಿಷಗಳ ಪ್ರಚಾರದ ವೀಡಿಯೊವನ್ನು ಮಾಡಲು ಕರ್ನಾಟಕ ವಾಣಿಜ್ಯ ಮತ್ತು ಕೈಗಾರಿಕೆ ಇಲಾಖೆಯು ಚಲನಚಿತ್ರ ನಿರ್ಮಾಣ ಸಂಸ್ಥೆಗೆ 4.5 ಕೋಟಿ ನೀಡಿ ಟೀಕೆಗೆ ಗುರಿಯಾಗಿದೆ.
ಈ ಒಪ್ಪಂದ ರದ್ದುಗೊಳಿಸುವಂತೆ ಬೃಹತ್ ಮತ್ತು ಮಧ್ಯಮ ಕೈಗಾರಿಕೆ ಸಚಿವ ಮುರುಗೇಶ್ ನಿರಾಣಿ ಇಲಾಖೆಯ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿಗೆ ಪತ್ರ ಬರೆದಿದ್ದಾರೆ.
4.5 ಕೋಟಿ ರೂ.ಗೆ ಐದು ನಿಮಿಷಗಳ ಪ್ರಚಾರದ ವೀಡಿಯೊವನ್ನು ರಚಿಸಲು ಇಲಾಖೆಯು ಚಲನಚಿತ್ರ ನಿರ್ಮಾಣ ಕಂಪನಿಯೊಂದಿಗೆ ಒಪ್ಪಂದಕ್ಕೆ ಸಹಿ ಹಾಕಿದೆ ಎಂದು ಸಚಿವರು ಹೇಳಿದರು.
ಐದು ನಿಮಿಷಗಳ ವೀಡಿಯೊಗಾಗಿ 4.5 ಕೋಟಿ ರೂಪಾಾಯಿ ಖರ್ಚು ಮಾಡುವುದು ವಿಪರೀತವಾಗಿದೆ. ಒಪ್ಪಂದಕ್ಕೆ ಸಹಿ ಹಾಕಿದ ನಂತರ ಇಲಾಖೆಯು ವರ್ಕ್ ಆರ್ಡರ್ ನೀಡಿರುವುದು ನಿಜವಾದರೆ, ಅಂತಹ ಒಪ್ಪಂದವನ್ನು ಇಷ್ಟು ದುಬಾರಿ ವೆಚ್ಚದಲ್ಲಿ ಮುಂದುವರಿಸುವುದು ಅನುಚಿತ ಮತ್ತು ಅನಗತ್ಯ. ಈ ಮೂಲಕ ಅಂತಹ ವರ್ಕ್ ಆರ್ಡರ್ ರದ್ದು ಮಾಡುವಂತೆ ಸೂಚಿಸಲಾಗಿದೆ ಎಂದು ಅವರು ತಮ್ಮ ಪತ್ರದಲ್ಲಿ ಬರೆದಿದ್ದಾರೆ.