ಬೆಂಗಳೂರು : ಒಂದೆಡೆ ಕೊರೋನಾ ಸೋಂಕಿ ಜನರನ್ನು ಚಿಂತೆಗೀಡು ಮಾಡಿಸಿದರೆ, ಅದರಿಂದ ಗುಣಮುಖರಾದ ಅವರಿಗೆ ಇನ್ನೂ ಸಂಕಷ್ಟ ತಪ್ಪಿದ್ದಲ್ಲ ಎನ್ನುವಂತೆ ಬ್ಲ್ಯಾಕ್ ಫಂಗಸ್ ನ ದಾಳಿ ಹೆಚ್ಚಾಗುತ್ತಲೇ ಇದೆ. ಇದರ ಹರಡುವಿಕೆಯ ಕುರಿತು ಅನೇಕ ಕಾರಣಗಳನ್ನು ಹೇಳಲಾಗುತ್ತಿದೆ.
ಆ ಕಾರಣಗಳ ಪಟ್ಟಿಗೆ ಇದೀಗ ಮತ್ತೊಂದು ಸೇರ್ಪಡೆಯಾಗಿದೆ . ಅದುವೇ ಮಿತಿ ಮೀರಿದ ಹಬೆ ಅಂದರೆ ಸ್ಟೀಮ್ ತೆಗೆದುಕೊಳ್ಳುವ ಅಭ್ಯಾಸ. ಇದು ಕೂಡ ಬ್ಲ್ಯಾಕ್ ಫಂಗಸ್ ದಾಳಿಗೆ ಅವಕಾಶ ಮಾಡಿಕೊಡುತ್ತಿದೆ ಎನ್ನುತ್ತಾರೆ ಖ್ಯಾತ ವೈದ್ಯ ದೀಪಕ್ ಹಲ್ಲಿಪುರ .
ಹೆಚ್ಚು ಬಾರಿ ಸ್ಟೀಮ್ ಮೊರೆ ಹೋದಾಗ ಮೂಗಿನ ರೋಗ ನಿರೋಧಕ ಶಕ್ತಿ ಕಡಿಮೆಯಾಗುತ್ತದೆ . ಈ ಸಂದರ್ಭದಲ್ಲಿ ಗಾಳಿಯಲ್ಲಿರುವ ಬ್ಲ್ಯಾಕ್ ಫಂಗಸ್ ವೈರಾಣುಗಳು ಮೂಗಿನ ಮೂಲಕ ದೇಹ ಪ್ರವೇಶಿಸುತ್ತವೆ ಎಂದು ಅವರು ರೋಗದ ಬರುವಿಕೆಯ ಕುರಿತು ಎಚ್ಚರಿಕೆ ನೀಡಿದ್ದಾರೆ .
ಬ್ಲ್ಯಾಕ್ ಫಂಗಸ್ ನ ಅಟ್ಟಹಾಸ ಒಂದೆಡೆಯಾದರೆ, ಪ್ರಸ್ತುತ ರಾಜ್ಯದಲ್ಲಿ ಬ್ಲ್ಯಾಕ್ ಫಂಗಸ್ ಗೆ ಔಷಧಿಯ ತೀವ್ರ ಕೊರತೆ ಎದುರಾಗಿದೆ. ಇದನ್ನು ನೀಗಿಸಲು ರಾಜ್ಯ ಸರ್ಕಾರ ಹರಸಾಹಸ ಪಡುವಂತಾಗಿದೆ.
