ಬೆಂಗಳೂರು: ಕರ್ನಾಟಕವು ಶ್ರೀಮಂತ ಶಾಸಕರ ಪಟ್ಟಿಯಲ್ಲಿ ಮೊದಲ ಸ್ಥಾನ ಪಡೆದುಕೊಂಡಿದ್ದು, ಮಹಾರಾಷ್ಟ್ರ ಬಳಿಕದ ಸ್ಥಾನದಲ್ಲಿದೆ.
ರಾಜ್ಯದ 224 ಶಾಸಕರ ಪೈಕಿ 203 ಶಾಸಕರು ಶ್ರೀಮಂತರಾಗಿದ್ದಾರೆ ಮತ್ತು ಇವರ ವಾರ್ಷಿಕ ಆದಾಯವು 111.4 ಲಕ್ಷ ರೂ. ಇದೆ ಎಂದು ಅಸೋಸಿಯೇಶನ್ ಫಾರ್ ಡೆಮಾಕ್ರೆಟಿಕ್ ರಿಫಾರ್ಮ್ಸ್(ಎಡಿಆರ್) ವರದಿ ಮಾಡಿದೆ. ಚುನಾವಣೆಯಲ್ಲಿ ಶಾಸಕರು ಸಲ್ಲಿಸಿರುವಂತಹ ಪ್ರಮಾಣಪತ್ರವನ್ನು ಆಧರಿಸಿ ಈ ಪಟ್ಟಿ ತಯಾರಿಸಲಾಗಿದೆ.
ಮಹಾರಾಷ್ಟ್ರದ 256 ಶಾಸಕರ ವಾರ್ಷಿಕ ಆದಾಯವು 43.4 ಲಕ್ಷ ರೂ. ಇದೆ. ಆದರೆ ಉತ್ತರ ಭಾರತದ ಶಾಸಕರ ವಾರ್ಷಿಕ ಆದಾಯವು ಸರಾಸರಿ 51.99 ಲಕ್ಷ ರೂ. ಇದೆ. ಪೂರ್ವ ರಾಜ್ಯಗಳ 614 ಶಾಸಕರ ಸರಾಸರಿ ವಾರ್ಷಿಕ ಆದಾಯವು 8.53 ಲಕ್ಷ ರೂ. ಇದೆ. ಛತ್ತೀಸಗಡದ 63 ಶಾಸಕರು ಅತೀ ಕಡಿಮೆ ವಾರ್ಷಿಕ ಆದಾಯ ಹೊಂದಿದ್ದಾರೆ. ಇವರ ವಾರ್ಷಿಕ ಆದಾಯವು 5.4 ಲಕ್ಷ ರೂ. ಇದೆ ಎಂದು ವರದಿಯು ತಿಳಿಸಿದೆ.
