ತರಕಾರಿ ಬೆಲೆಯಲ್ಲಿ ಭಾರೀ ಏರಿಕೆ

ಬೆಂಗಳೂರು : ಮೊದಲೇ ಬೆಲೆ ಏರಿಕೆಯಿಂದ ತತ್ತರಿಸಿರುವ ಗ್ರಾಹಕರಿಗೆ ಇದೀಗ ಮತ್ತೊಂದು ಶಾಕ್ ಎದುರಾಗಿದ್ದು, ತರಕಾರಿ ಬೆಲೆಯಲ್ಲಿ ಭಾರೀ ಏರಿಕೆಯಾಗಿದೆ. ರಾಜ್ಯದಲ್ಲಿ ಹಲವು ದಿನಗಳಿಂದ ಸುರಿಯುತ್ತಿರುವ ಮಳೆಯಿಂದಾಗಿ ತರಕಾರಿ ಬೆಲೆಯಲ್ಲಿ ಏರಿಕೆಯಾಗಿದೆ.

ಟೊಮೊಟೊ, ಈರುಳ್ಳಿ, ಬಿಟ್ ರೂಟ್, ಬದನೆಕಾಯಿ, ಕ್ಯಾರೆಟ್, ನುಗ್ಗೆಕಾಯಿ, ಬೆಂಡೆಕಾಯಿ ಸೇರಿದಂತೆ ಹಲವು ತರಕಾರಿಗಳ ಬೆಲೆಯಲ್ಲಿ ಭಾರೀ ಏರಿಕೆಯಾಗಿದೆ.

ಕೆ.ಜಿ. ಟೊಮೊಟೊ ಬೆಲೆ 70-75 ರೂ.ಇದ್ದರೆ, ಈರುಳ್ಳಿ ಬೆಲೆ 55 ರೂ. ಕ್ಯಾರೆಟ್ 99 ರೂ. ದಪ್ಪ ಮೆಣಸಿನಕಾಯಿ 135 ರೂ. ನುಗ್ಗೆಕಾಯಿ 230 ರೂ. ಹಸಿಮೆಣಸಿನ ಕಾಯಿ 55 ರೂ. ಹುರುಳಿ ಕಾಯಿ 58 ರೂ. ಬಿಟ್ ರೂಟ್ 50 ರೂ. ಬದನೆಕಾಯಿ 90 ರೂ. ಬೆಂಡೆಕಾಯಿ 78 ರೂ. ತಲುಪಿದೆ.