ಮೈಸೂರು; ಅಪ್ಘಾನಿಸ್ತಾನಕ್ಕೂ ಮೈಸೂರಿಗೆ ಒಂದು ರೀತಿಯ ನಂಟಿದೆ. ಅದು ಹೇಗೆಂದರೆ ಹತ್ತಾರು ವರ್ಷಗಳಿಂದ ಅಪ್ಘಾನಿಸ್ತಾನದಿಂದ ಬರುವ ನೂರಾರು ವಿದ್ಯಾರ್ಥಿಗಳು ಮೈಸೂರು ವಿಶ್ವ ವಿದ್ಯಾನಿಲಯದಲ್ಲಿ ವ್ಯಾಸಂಗ ಮಾಡಿ ಹೋಗುತ್ತಾರೆ. ಮೈಸೂರು ಸೇಫ್ ಸಿಟಿ ಹಾಗೂ ಸಂಸ್ಕ್ರತಿಗೆ ಹೆಸರಾದ ನಗರವಾದ ಕಾರಣ ಇಡೀ ಭಾರತದಲ್ಲಿ ಅಷ್ಟೊಂದು ವಿಶ್ವವಿದ್ಯಾನಿಲಯಗಳಿದ್ದರೂ, ವ್ಯಾಸಂಗಕ್ಕೆ ಆಪ್ಘಾನ್ ವಿದ್ಯಾರ್ಥಿಗಳು ಮೈಸೂರನ್ನೆ ಆಯ್ಕೆ ಮಾಡಿಕೊಳ್ಳುತ್ತಾರೆ.
ಅಪ್ಘಾನಿಸ್ತಾನದಲ್ಲಿ ಈಗ ತಾಲಿಬಾನ್ ಉಗ್ರರು ಅಟ್ಟಹಾಸ ಮೆರೆಯುತ್ತಿರುವ ಕಾರಣ ಮೈಸೂರು ವಿಶ್ವವಿದ್ಯಾನಿಲಯದಲ್ಲಿ ವ್ಯಾಸಂಗ ಮಾಡುತ್ತಿರುವ 90 ಆಪ್ಘಾನ್ ವಿದ್ಯಾರ್ಥಿಗಳು ಆತಂಕದಲ್ಲಿದ್ದಾರೆ. ಅಪ್ಘಾನಿಸ್ತಾನದಲ್ಲಿರುವ ತಮ್ಮ ಕುಟುಂಬಸ್ಥರಿಗೇನು ತೊಂದರೆ ಆಗುತ್ತೊ ಅಂತ ದುಃಖಿತರಾಗಿದ್ದಾರೆ. ಸದ್ಯ ತಮ್ಮ ತಾಯ್ನಾಡಿನಲ್ಲಿ ಬಿಗುವಿನ ವಾತಾವರಣ ನಿರ್ಮಾಣವಾಗಿರುವ ಕಾರಣ ಮೈಸೂರಿನಲ್ಲೆ ಸ್ವಲ್ಪ ದಿನ ನೆಲೆಸಲು ವೀಸಾ ಅವಧಿ ವಿಸ್ತರಣೆಗೆ ಭಾರತ ಸರ್ಕಾರದ ಬಳಿ ಮನವಿ ಮಾಡಿದ್ದಾರೆ.
