ನವದೆಹಲಿ: ತೈಲ ಮಾರುಕಟ್ಟೆ ಕಂಪನಿಗಳು 19 ಕೆಜಿ ವಾಣಿಜ್ಯ ಎಲ್ಪಿಜಿ ಸಿಲಿಂಡರ್ಗಳ ಬೆಲೆಯನ್ನು 33.50 ರೂ.ಗಳಷ್ಟು ತಗ್ಗಿಸಿದ್ದು , ಈ ಹೊಸ ಬೆಲೆ ಇಂದಿನಿಂದಲೇ ಜಾರಿಯಾಗಿದೆ.
ಇಂಡಿಯನ್ ಆಯಿಲ್ನ ವೆಬ್ಸೈಟ್ ಪ್ರಕಾರ, ಮಹಾನಗರಗಳಲ್ಲಿ 19 ಕೆಜಿ ಎಲ್ಪಿಜಿ ಸಿಲಿಂಡರ್ನ ಬೆಲೆಯನ್ನು 33.5 ರೂ.ಗಳಿಂದ 34.5 ರೂ.ಗಳಿಗೆ ಇಳಿಸಲಾಗಿದೆ. ಚೆನ್ನೈನಲ್ಲಿ, 19 ಕೆಜಿ ಎಲ್ಪಿಜಿ ಸಿಲಿಂಡರ್ ಈಗ ಪ್ರತಿ ಸಿಲಿಂಡರ್ಗೆ 1,800 ರೂ.ಗಳಿಗಿಂತ ಕಡಿಮೆಯಿದೆ. ದೆಹಲಿಯಲ್ಲಿ ಇದರ ಬೆಲೆ ಪ್ರತಿ ಸಿಲಿಂಡರ್ಗೆ 1,650 ರೂ.ಗಳಿಗಿಂತ ಕಡಿಮೆಯಿದೆ. ಮುಂಬೈನಲ್ಲಿಯೂ ಗ್ಯಾಸ್ ಬೆಲೆ ಅಗ್ಗವಾಗಿದ್ದು, ಪ್ರತಿ ಸಿಲಿಂಡರ್ಗೆ 1,600 ರೂ.ಗಳಿಗಿಂತ ಕಡಿಮೆಯಿದೆ. ಬೆಂಗಳೂರಿನಲ್ಲಿ 19 ಕೆಜಿ ವಾಣಿಜ್ಯ ಸಿಲಿಂಡರ್ ಬೆಲೆ 1,738 ರೂ. ಇದೆ.
ಈ ಮೊದಲು ಜುಲೈನಲ್ಲಿ 58.50 ರೂ., ಜೂನ್ನಲ್ಲಿ 24 ರೂ., ಏಪ್ರಿಲ್ನಲ್ಲಿ 41 ರೂ. ಮತ್ತು ಫೆಬ್ರವರಿಯಲ್ಲಿ 7 ರೂ., ಮಾರ್ಚ್ನಲ್ಲಿ ರೂ. 6 ಹೆಚ್ಚಳ ಮಾಡಲಾಗಿತ್ತು. ಆದರೆ ಈಗ ವಾಣಿಜ್ಯ ಎಲ್ಪಿಜಿ ಸಿಲಿಂಡರ್ ಬೆಲೆ ಕೊಂಚ ಇಳಿಕೆಯಾಗಿರುವುದು ಗ್ರಾಹಕರಿಗೆ ಸಮಾದಾನ ತಂದಿದೆ.
ದೆಹಲಿಯಲ್ಲಿ 19 ಕೆಜಿ ಎಲ್ಪಿಜಿ ಸಿಲಿಂಡರ್ನ ಬೆಲೆ ಆಗಸ್ಟ್ 1, 2025 ರಿಂದ ಪ್ರತಿ ಸಿಲಿಂಡರ್ಗೆ 33.5 ರೂ.ಗಳಷ್ಟು ಇಳಿದು 1,631.5 ರೂ.ಗಳಿಗೆ ತಲುಪಿದೆ. ಕಳೆದ ತಿಂಗಳು ಇದರ ಬೆಲೆ ಪ್ರತಿ ಸಿಲಿಂಡರ್ಗೆ 1,665 ರೂ.ಗಳಷ್ಟಿತ್ತು. ಕೋಲ್ಕತ್ತಾದಲ್ಲಿ ಕಳೆದ ತಿಂಗಳು ಪ್ರತಿ ಸಿಲಿಂಡರ್ ಬೆಲೆ 1,769 ರೂ.ಗಳಷ್ಟಿದ್ದು, ಈಗ 34.5 ರೂ.ಗಳಷ್ಟು ಇಳಿದು 1,734.5 ರೂ.ಗಳಿಗೆ ತಲುಪಿದೆ.
ಮುಂಬೈನಲ್ಲಿ ಜುಲೈ ತಿಂಗಳಲ್ಲಿ ಪ್ರತಿ ಸಿಲಿಂಡರ್ಗೆ 1,616.5 ರೂ.ಗಳಷ್ಟಿತ್ತು. ಈಗ 34 ರೂ.ಗಳಷ್ಟು ಅಗ್ಗವಾಗಿದೆ. ಚೆನ್ನೈನಲ್ಲಿಯೂ ಜುಲೈನಲ್ಲಿ 1,823.5 ರೂ.ಗಳಷ್ಟಿದ್ದ ಸಿಲಿಂಡರ್ ಬೆಲೆ 34.5 ರೂ.ಗಳಷ್ಟು ಇಳಿದು 1,789 ರೂ.ಗಳಿಗೆ ತಲುಪಿದೆ.
2025 ರ ಏಪ್ರಿಲ್ ನಿಂದ ಜುಲೈ ವರೆಗೆ, 19 ಕೆಜಿ ಎಲ್ಪಿಜಿ ಬೆಲೆ 138 ರೂ.ಗಳಷ್ಟು ಇಳಿದು 144 ರೂ.ಗಳಿಗೆ ತಲುಪಿದೆ. ಆದರೆ ಗೃಹ ಬಳಕೆಯ 14.2 ಕೆಜಿ ಎಲ್ಪಿಜಿ ಬೆಲೆ ಬದಲಾಗದೆ ಉಳಿದಿದೆ. ಏಪ್ರಿಲ್ 8 ರಂದು 50 ರೂ. ಹೆಚ್ಚಳವಾದ ನಂತರ 14.2 ಕೆಜಿ ಎಲ್ಪಿಜಿ ಸಿಲಿಂಡರ್ಗಳ ಬೆಲೆಗಳು ಬದಲಾಗದೆ ಉಳಿದಿವೆ. 14.2 ಕೆಜಿ ಸಿಲಿಂಡರ್ನ ಎಲ್ಪಿಜಿ ಬೆಲೆಗಳು ದೆಹಲಿಯಲ್ಲಿ 853 ರೂ., ಕೋಲ್ಕತ್ತಾದಲ್ಲಿ 879 ರೂ., ಮುಂಬೈನಲ್ಲಿ 852.50 ರೂ. ಮತ್ತು ಚೆನ್ನೈನಲ್ಲಿ 868.50 ರೂ. ಇದೆ.
ಒಟ್ಟಾರೆಯಾಗಿ ಇತ್ತೀಚಿನ ವಾಣಿಜ್ಯ ಎಲ್ಪಿಜಿ ಬೆಲೆ ಕಡಿತದಿಂದ ಸಣ್ಣ ವ್ಯಾಪಾರಿಗಳಿಗೆ ಸ್ವಲ್ಪ ಮಟ್ಟದ ಪರಿಹಾರವನ್ನು ನೀಡಿದೆ. ಆದರೆ ಗೃಹಬಳಕೆಯ ಎಲ್ಪಿಜಿ ಸಿಲಿಂಡರ್ ಬೆಲೆಯಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ. ಜಾಗತಿಕ ಕಚ್ಚಾ ತೈಲ ಬೆಲೆಗಳು ಕಡಿಮೆಯಿದ್ದರೆ, ವಾಣಿಜ್ಯ ಎಲ್ಪಿಜಿ ಬೆಲೆ ಇಳಿಕೆಗೆ ಕಾರಣವಾಗುತ್ತದೆ.