ಆಂಧ್ರಪ್ರದೇಶ:ಕಾಲೇಜಿಗೆ ಹೋದಾಗ ಸ್ನಾಕ್ಸ್ ತಿನ್ನಬೇಕೆಂದು ಬೇಕರಿಗೆ ಹೋದಾಗ ಅಲ್ಲಿ ಎಗ್ ಪಫ್ಗಾಗಿ ಸ್ನೇಹಿತರ ಜೊತೆ ಕಿತ್ತಾಡಿದ್ದು ಇರುತ್ತೆ. ಅಬ್ಬಬ್ಬಾ ಅಂದ್ರೆ ಎಗ್ ಪಫ್ ಎಷ್ಟು ತಿನ್ನುತ್ತೇವೆ 5 ಇಲ್ವೋ 10.ಆದರೆ ಆಂಧ್ರದ ಮಾಜಿ ಸಿಎಂ ಜಗನ್ ಮೋಹನ್ ರೆಡ್ಡಿ ಕೋಟಿ, ಕೋಟಿ ರೂಪಾಯಿ ಎಗ್ ಪಫ್ಗಳನ್ನ ತಿಂದ್ದಾರೆ ಎಂಬುದು ಅಚ್ಚರಿ ತಂದಿದೆ.
ಆಂಧ್ರಪ್ರದೇಶದ ಮಾಜಿ ಸಿಎಂ ಸಿಎಂ ಜಗನ್ ಮೋಹನ್ ರೆಡ್ಡಿಯವರು ಕಳೆದ 5 ವರ್ಷ ಅಂದರೆ 2019ರಿಂದ 2024ರವರೆಗೆ ಮುಖ್ಯಮಂತ್ರಿಯಾಗಿ ಸೇವೆ ಸಲ್ಲಿಸಿದ್ದಾರೆ.ಈ ವೇಳೆ ನೂರಾರು ಅಧಿಕಾರಿ, ಸಿಬ್ಬಂದಿ ಕೆಲಸ ಮಾಡಿದ್ದಾರೆ. ಆದರೆ 5 ವರ್ಷದಲ್ಲಿ ಕೇವಲ ಎಗ್ಪಫ್ಗಾಗಿ ಬರೋಬ್ಬರಿ 3 ಕೋಟಿ 60 ಲಕ್ಷ ರೂಪಾಯಿಗಳನ್ನು ಖರ್ಚು ಮಾಡಲಾಗಿದೆ. ಇಷ್ಟೊಂದು ಮೊತ್ತ ಖರ್ಚು ಆಗಿದ್ದು ತಿಳಿದು ರಾಜ್ಯದ ಜನ ಅಚ್ಚರಿ ವ್ಯಕ್ತಪಡಿಸಿದ್ದಾರೆ ಎಂದು ಹೇಳಲಾಗುತ್ತಿದೆ.
ಐದು ವರ್ಷಕ್ಕೆ 3.60 ಕೋಟಿ ರೂ. ಎಗ್ಪಫ್ ಎಂದರೆ ಒಂದು ವರ್ಷಕ್ಕೆ 71 ಲಕ್ಷ ರೂ. ಖರ್ಚು ಮಾಡಿದೆ. ಇದರ ಪ್ರಕಾರ ಒಂದು ದಿನಕ್ಕೆ 993 ಎಗ್ಪಫ್ ಎಂದರೂ 20 ಸಾವಿರ ರೂ.ಗಳನ್ನು ವೆಚ್ಚ ಮಾಡಿದೆ. 5 ವರ್ಷದಲ್ಲಿ 18 ಲಕ್ಷ ಎಗ್ ಪಫ್ ತಿಂದಿದ್ದಾರಂತೆ. ಅಲ್ಲದೇ ಇದರ ಜೊತೆ ಕಾಫಿ, ಟೀಗಳಲ್ಲ ಲೆಕ್ಕ ಮಾಡಿದರೆ ಖರ್ಚು ಇನ್ನು ದುಪ್ಪಟ್ಟು ಆಗುತ್ತೆ ಎಂದು ಸೋಶಿಯಲ್ ಮೀಡಿಯಾದಲ್ಲಿ ದೊಡ್ಡ ಚರ್ಚೆಯೇ ನಡೆದಿದೆ.