ಕೂದಲು, ಚರ್ಮದ ಆರೋಗ್ಯದ ತ್ಪನ್ನಗಳಲ್ಲಿ ಹೆಚ್ಚು ಬಳಕೆಯಾಗುವ ಒಂದು ವಿಟಮಿನ್ ಅಂದರೆ ಅದು ವಿಟಮಿನ್-ಇ, ಸಾಮಾನ್ಯವಾಗಿ ಮಾಯಿಶ್ಚರೈಸರ್ಗಳು ಮತ್ತು ಸೀರಮ್ಗಳಲ್ಲಿ ಇದನ್ನು ಬಳಸಲಾಗುತ್ತದೆ. ಕೇವಲ ಸೌಂದರ್ಯಕ್ಕೆ ಮಾತ್ರವಲ್ಲದೇ ಆರೋಗ್ಯದ ವಿಷಯಗಳಿಗೂ ಈ ಪೋಷಕಾಂಶ ನಮಗೆ ಹಲವು ಪ್ರಯೋಜನವನ್ನು ನೀಡುತ್ತದೆ.
ವಿಟಮಿನ್ ಇ
ವಿಟಮಿನ್-ಇ ಅನ್ನು ನೈಸರ್ಗಿಕವಾಗಿ ಆಹಾರಗಳ ರೂಪದಲ್ಲಿ, ಇಲ್ಲಾ ಪೂರಕಗಳ ರೂಪದಲ್ಲಿ ತೆಗೆದುಕೊಳ್ಳಬಹುದು ಮತ್ತು ನಮ್ಮ ದೇಹದಲ್ಲಿಯೂ ಸಹ ಇದು ಕಂಡುಬರುತ್ತದೆ. ವಿಟಮಿನ್-ಇ ಬೀಜಗಳು, ಡ್ರೈಪ್ರೂಟ್ಸ್, ಸೊಪ್ಪು ಮತ್ತು ಸಸ್ಯಜನ್ಯ ಎಣ್ಣೆಗಳಂತಹ ಆರೋಗ್ಯಕರ ಕೊಬ್ಬುಗಳಲ್ಲಿ ಸಮೃದ್ಧವಾಗಿದೆ.
ಇದು ದೇಹಕ್ಕೆ ಅಗತ್ಯವಾದ ಸತ್ವ. ಒಂದೊಮ್ಮೆ ವಿಟಮಿನ್ ಇ ಕೊರತೆ ಕಂಡುಬಂದರೆ, ನರಗಳ ಹಾನಿ, ಸ್ನಾಯು ಹಾನಿ, ದೇಹದ ಚಲನೆಯ ನಿಯಂತ್ರಣದ ನಷ್ಟ, ಸ್ನಾಯು ದೌರ್ಬಲ್ಯ, ದೃಷ್ಟಿ ಸಮಸ್ಯೆಗಳು ಮತ್ತು ದುರ್ಬಲಗೊಂಡ ಪ್ರತಿರಕ್ಷಣಾ ವ್ಯವಸ್ಥೆಯಂತಹ ರೋಗಲಕ್ಷಣಗಳು ಕಂಡುಬರುತ್ತವೆ.
ವಿಟಮಿನ್-ಇ ಆರೋಗ್ಯ ಪ್ರಯೋಜನಗಳು
ಇಮ್ಯುನಿಟಿ ಪವರ್
ವಿಟಮಿನ್ ಸಿ ಜೊತೆಗೆ ವಿಟಮಿನ್ ಇ ಕೂಡ ಪ್ರತಿರಕ್ಷಣಾ ಆರೋಗ್ಯವನ್ನು ಬೆಂಬಲಿಸುತ್ತದೆ. ವಿಟಮಿನ್ ಇ ನ್ಯುಮೋನಿಯಾ ಮತ್ತು ಇನ್ಫ್ಲುಯೆನ್ಸದಂತಹ ಉಸಿರಾಟದ ಕಾಯಿಲೆಗಳು ಮತ್ತು ಅಸ್ತಮಾದಂತಹ ಕೆಲವು ಅಲರ್ಜಿಯ ಕಾಯಿಲೆಗಳಂತಹ ಅಪಾಯವನ್ನು ಕಡಿಮೆ ಮಾಡುತ್ತದೆ.
ಸ್ನಾಯುವಿನ ಹಾನಿಯನ್ನು ಕಡಿಮೆ ಮಾಡುತ್ತದೆ
ಆಹಾರದ ವಿಟಮಿನ್ ಇ ಪೂರಕತೆಯು ಸ್ನಾಯುವಿನ ಹಾನಿ ಮತ್ತು ವ್ಯಾಯಾಮದಿಂದ ಉಂಟಾದ ಆಕ್ಸಿಡೇಟಿವ್ ಒತ್ತಡವನ್ನು ಕಡಿಮೆ ಮಾಡುತ್ತದೆ. ಸ್ನಾಯು ಚೇತರಿಕೆಗಾಗಿ ನಿಮ್ಮ ವ್ಯಾಯಾಮದ ನಂತರದ ಊಟದಲ್ಲಿ ವಿಟಮಿನ್ ಇ ಆಹಾರಗಳನ್ನು ಸೇರಿಸುವುದು ಉತ್ತಮ.
ಚರ್ಮದ ಆರೋಗ್ಯ
ಚರ್ಮವನ್ನು ತೇವ ಮತ್ತು ಮೃದುವಾಗಿಡಲು ಸಹಾಯ ಮಾಡುವುದರಿಂದ ವಿಟಮಿನ್ ಇ ಅನ್ನು ಹೆಚ್ಚಾಗಿ ಮಾಯಿಶ್ಚರೈಸರ್ಗಳಲ್ಲಿ ಬಳಸಲಾಗುತ್ತದೆ, ಜೊತೆಗೆ ವಿಟಮಿನ್ ಇ-ಭರಿತ ಆಹಾರಗಳು ಹಾನಿಕಾರಕ UVB ಕಿರಣಗಳನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ.
ಕಣ್ಣಿನ ಆರೋಗ್ಯ
ವಿಟಮಿನ್ ಇ ಮುಂದುವರಿದ ವಯಸ್ಸಿಗೆ ಸಂಬಂಧಿಸಿದ ಮ್ಯಾಕ್ಯುಲರ್ ಡಿಜೆನರೇಶನ್ ಹೊಂದಿರುವ ಜನರಿಗೆ ಸಹಾಯಕವಾಗಬಹುದು. ನಿಮ್ಮ ಆಹಾರದಲ್ಲಿ ವಿಟಮಿನ್ ಇ-ಭರಿತ ಆಹಾರಗಳನ್ನು ಸೇರಿಸುವುದು ಕಣ್ಣಿನ ದೃಷ್ಟಿ ಕಾಪಾಡಿಕೊಳ್ಳಲು ಸಹಕಾರಿ.
ಹೃದಯದ ಆರೋಗ್ಯ
ಹಾರ್ಟ್ ಅಟ್ಯಾಕ್ಗೆ ಪ್ರಮುಖವಾಗಿ ಕಾರಣವಾಗುವ ರಕ್ತದೊತ್ತಡವನ್ನು ವಿಟಮಿನ್ ಇ ಗಣನೀಯವಾಗಿ ಕಡಿಮೆ ಮಾಡುವ ಮೂಲಕ ಹೃದಯದ ಆರೋಗ್ಯವನ್ನು ಕಾಪಾಡುತ್ತದೆ.
ಮೆದುಳಿನ ಆರೋಗ್ಯ
ವಿಟಮಿನ್ ಇ ಯ ಉತ್ಕರ್ಷಣ ನಿರೋಧಕ ಮತ್ತು ಉರಿಯೂತದ ಗುಣಲಕ್ಷಣಗಳು ಅರಿವಿನ ಕುಸಿತದ ವಿರುದ್ಧ ರಕ್ಷಣೆ ನೀಡುತ್ತವೆ. ವಿಟಮಿನ್ ಇ ಜೊತೆಗಿನ ಪೂರಕವು ಮೆದುಳಿನೊಳಗಿನ ಆಕ್ಸಿಡೇಟಿವ್ ಒತ್ತಡವನ್ನು ಕಡಿಮೆ ಮಾಡುತ್ತದೆ ಮತ್ತು ಮೆದುಳಿನ ಆರೋಗ್ಯ ಕಾಪಾಡುತ್ತದೆ.