ಮೊಟ್ಟೆಯಲ್ಲಿ ಗುಣಮಟ್ಟದ ಪ್ರೊಟೀನ್, ಅಗತ್ಯ ಅಮಿನೋ ಆಮ್ಲಗಳು ಮತ್ತು ಪ್ರಮುಖ ಜೀವಸತ್ವಗಳು ಇರುತ್ತವೆ. ಮೊಟ್ಟೆಯ ಹಳದಿ ಲೋಳೆಯಲ್ಲಿ ಸುಮಾರು 180 ಮಿಲಿ ಗ್ರಾಂ ಕೊಲೆಸ್ಟ್ರಾಲ್ ಇರುತ್ತದೆ.
ಮೊಟ್ಟೆ ಇಡೀ ಜೀವಕೋಶಕ್ಕೆ ಬೇಕಾದ ಪೋಷಕಾಂಶಗಳನ್ನು ಒಳಗೊಂಡಿದೆ. ಇದರಲ್ಲಿ ವಿಟಮಿನ್ ಎ, ಡಿ, ಇ, ಬಿ12, ಫೋಲೇಟ್, ರಿಬೋಫ್ಲಾವಿನ್ ಮತ್ತು ಖನಿಜಾಂಶಗಳಾದ ಸೆಲೆನಿಯಮ್ ಹಾಗೂ ಜಿಂಕ್ ಸಮೃದ್ಧವಾಗಿವೆ.
ಮೊಟ್ಟೆಯಲ್ಲಿರುವ ಉನ್ನತ ಪ್ರಮಾಣದ ಪ್ರೊಟೀನ್ ಅಂಶ ಸ್ನಾಯುಗಳ ಮರುನಿರ್ಮಾಣಕ್ಕೆ ಸಹಾಯ ಮಾಡುತ್ತದೆ. ಇದು ಹೊಟ್ಟೆಯನ್ನು ದೀರ್ಘಕಾಲದವರೆಗೆ ತುಂಬಿರುವಂತೆ ನೋಡಿಕೊಳ್ಳುವುದರಿಂದ, ರಕ್ತದಲ್ಲಿನ ಸಕ್ಕರೆ ಮಟ್ಟ ನಿಯಂತ್ರಣದಲ್ಲಿಡುತ್ತದೆ ಮತ್ತು ದಿನವಿಡೀ ದೇಹಕ್ಕೆ ಸ್ಥಿರವಾದ ಶಕ್ತಿಯನ್ನು ನೀಡುತ್ತದೆ.
ನಮ್ಮ ದೇಹಕ್ಕೆ ಅತ್ಯಗತ್ಯವಾಗಿ ಬೇಕಾದ ‘ಕೋಲಿನ್’ ಎಂಬ ಪೋಷಕಾಂಶ ಮೊಟ್ಟೆಯಲ್ಲಿ ಹೇರಳವಾಗಿದೆ. ಇದು ನೆನಪಿನ ಶಕ್ತಿ, ಮಾನಸಿಕ ನೆಮ್ಮದಿ ಮತ್ತು ದೇಹದಲ್ಲಿನ ಕೊಬ್ಬನ್ನು ಕರಗಿಸುವ ಕ್ರಿಯೆಗೆ ಸಹಾಯ ಮಾಡುತ್ತದೆ. ಒಂದು ಮೊಟ್ಟೆ ನಮ್ಮ ದಿನದ ಅಗತ್ಯದ ಕಾಲು ಭಾಗದಷ್ಟು ಕೋಲಿನ್ ಒದಗಿಸುತ್ತದೆ.
ಮೊಟ್ಟೆಯ ಹಳದಿ ಲೋಳೆಯಲ್ಲಿ ‘ಲ್ಯೂಟಿನ್’ ಮತ್ತು ‘ಝೀಸಾಂಥಿನ್’ ಎಂಬ ಶಕ್ತಿಯುತ ಆಂಟಿಆಕ್ಸಿಡೆಂಟ್ಗಳಿವೆ. ಇವು ಇಂದಿನ ಆಧುನಿಕ ಡಿಜಿಟಲ್ ಪರದೆಗಳಿಂದ ಬರುವ ಹಾನಿಕಾರಕ ಬೆಳಕಿನಿಂದ ಕಣ್ಣಿನ ರೆಟಿನಾವನ್ನು ರಕ್ಷಿಸುತ್ತವೆ.
ಮೊಟ್ಟೆಯಲ್ಲಿ ಸ್ವಾಭಾವಿಕವಾಗಿಯೇ ವಿಟಮಿನ್ ಡಿ ಇರುತ್ತದೆ. ಇದು ದೇಹ ಕ್ಯಾಲ್ಸಿಯಂ ಅನ್ನು ಸುಲಭವಾಗಿ ಹೀರಿಕೊಳ್ಳಲು ನೆರವಾಗುತ್ತದೆ. ವಯಸ್ಸಾದವರಲ್ಲಿ ಮೂಳೆಗಳ ಬಲವನ್ನು ಕಾಯ್ದುಕೊಳ್ಳಲು ಮತ್ತು ಸ್ನಾಯುಗಳ ದ್ರವ್ಯರಾಶಿಯನ್ನು ಕಾಪಾಡಲು ಇದು ಸಹಕಾರಿಯಾಗಿದೆ.