ಮಣಿಪುರದಲ್ಲಿದ್ದ ಆಂಧ್ರಪ್ರದೇಶದ 157 ವಿದ್ಯಾರ್ಥಿಗಳು ಮರಳಿ ರಾಜ್ಯಕ್ಕೆ

ಅಮರಾವತಿ: ಹಿಂಸಾಚಾರ ಪೀಡಿತ ಮಣಿಪುರದಲ್ಲಿ ಸಿಲುಕಿರುವ ಆಂಧ್ರಪ್ರದೇಶದ ಒಟ್ಟು 157 ವಿದ್ಯಾರ್ಥಿಗಳನ್ನು ಸೋಮವಾರ ವಿಮಾನದ ಮೂಲಕ ಕರೆತರಲಾಗುವುದು. ಹಿಂಸಾಚಾರ ಪೀಡಿತ ರಾಜ್ಯದಲ್ಲಿ ಸಿಲುಕಿಕೊಂಡಿರುವ ವಿದ್ಯಾರ್ಥಿಗಳನ್ನು ಕರೆತರಲು ಎರಡು ಹೆಚ್ಚುವರಿ ವಿಮಾನಗಳನ್ನು ವ್ಯವಸ್ಥೆ ಮಾಡಲು ಆಂಧ್ರಪ್ರದೇಶ ಸರ್ಕಾರ ಕೇಂದ್ರ ನಾಗರಿಕ ವಿಮಾನಯಾನ ಸಚಿವಾಲಯದ ಅಧಿಕಾರಿಗಳೊಂದಿಗೆ ಸಮನ್ವಯ ಸಾಧಿಸಿದೆ. ಒಂದು ಹೈದರಾಬಾದ್‌ಗೆ ಮತ್ತು ಇನ್ನೊಂದು ಕೋಲ್ಕತ್ತಾಕ್ಕೆ ಬರಲಿದೆ.

106 ವಿದ್ಯಾರ್ಥಿಗಳೊಂದಿಗೆ ವಿಮಾನ ಸಂಖ್ಯೆ 6 ಇ 3165 (A320) ಹೈದರಾಬಾದ್‌ನಲ್ಲಿ ಮಧ್ಯಾಹ್ನ 12:45 ಕ್ಕೆ ಇಳಿಯಲಿದೆ. ಮತ್ತೊಂದು ವಿಮಾನ 6 E 3152 (A320) ಮೂಲಕ 55 ವಿದ್ಯಾರ್ಥಿಗಳನ್ನು ಕೋಲ್ಕತ್ತಾಕ್ಕೆ ಕರೆತರಲಿದೆ. ಕೋಲ್ಕತ್ತಾ ತಲುಪುವ ವಿದ್ಯಾರ್ಥಿಗಳನ್ನು ಮೂರು ವಿಭಿನ್ನ ವಿಮಾನಗಳ ಮೂಲಕ ಹೈದರಾಬಾದ್‌ಗೆ ಕರೆತರಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಒಟ್ಟು 27 ವಿದ್ಯಾರ್ಥಿಗಳು ಹೈದರಾಬಾದ್ ತಲುಪುತ್ತಾರೆ. 15 ವಿದ್ಯಾರ್ಥಿಗಳ ಎರಡನೇ ಬ್ಯಾಚ್ 3:55 ಕ್ಕೆ ಹೈದರಾಬಾದ್‌ಗೆ ಆಗಮಿಸಲಿದೆ. ಉಳಿದ 13 ವಿದ್ಯಾರ್ಥಿಗಳು ರಾತ್ರಿ 11 ಗಂಟೆಗೆ ಹೈದರಾಬಾದ್ ತಲುಪಲಿದ್ದಾರೆ.
ಮಣಿಪುರದ ಎನ್‌ಐಟಿ, ಐಐಐಟಿ ಮತ್ತು ಕೇಂದ್ರ ಕೃಷಿ ವಿಶ್ವವಿದ್ಯಾಲಯದಲ್ಲಿ ಅಧ್ಯಯನ ಮಾಡುತ್ತಿರುವ ಆಂಧ್ರಪ್ರದೇಶದ 160 ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಸಂಕಷ್ಟದಲ್ಲಿರುವ ವಿದ್ಯಾರ್ಥಿಗಳಿಗೆ ಎಲ್ಲ ರೀತಿಯಲ್ಲೂ ಸಹಾಯ ಮಾಡಲು ರಾಜ್ಯ ಸರ್ಕಾರ ಬದ್ಧವಾಗಿದೆ ಆಂಧ್ರ ಸರ್ಕಾರ ತಿಳಿಸಿದೆ.

ಆಂಧ್ರಪ್ರದೇಶ ಭವನ, ನವದೆಹಲಿಯಲ್ಲಿ ಎರಡು ಸಹಾಯವಾಣಿ ಸಂಖ್ಯೆಗಳನ್ನು ಸ್ಥಾಪಿಸಲಾಗಿದೆ, ವಿದ್ಯಾರ್ಥಿಗಳು ಮತ್ತು ಅವರ ಕುಟುಂಬಗಳ ನಡುವೆ ಸಂಪರ್ಕವನ್ನು ಸ್ಥಾಪಿಸಲು (011-23384016, 011-23387089) ಸಂಪರ್ಕ ಸಂಖ್ಯೆ ನೀಡಲಾಗಿದೆ.