ಬಿಸಿಲಿನ ತಾಪದಿಂದ ತ್ವಚೆಯ ರಕ್ಷಣೆ ಮಾಡಲು ಸನ್ ಸ್ಕ್ರೀನ್ ಕ್ರೀಮ್ ಬಳಸಿ

ಸುಂದರವಾಗಿ ಕಾಣಬೇಕು ಎಂದು ಸಾಮಾನ್ಯವಾಗಿ ಎಲ್ಲಾ ಯುವತಿಯರು ಇಚ್ಛೆ ಪಡುತ್ತಾರೆ. ಅದಕ್ಕಾಗಿ ಮಾರ್ಕೆಟ್ ನಲ್ಲಿ ಸಿಗುವ ಬಗೆ ಬಗೆಯ ಬ್ಯೂಟಿ ಕ್ರೀಮ್ ಗಳನ್ನು ಬಳಕೆ ಮಾಡುತ್ತಾರೆ. ಅದರಲ್ಲೂ ಇಂದು ಸನ್ಸಕ್ರೀನ್ ಬಳಕೆ ಮಾಡುವವರ ಸಂಖ್ಯೆ ಹೆಚ್ಚಿದೆ. ತಮ್ಮ ತ್ವಚೆಯ ಅಂದವನ್ನು ಬಿಸಿಲಿನ ತಾಪದಿಂದ ರಕ್ಷಣೆ ಮಾಡಿಕೊಳ್ಳಲು ಉಪಯೋಗಿಸುತ್ತಾರೆ. ಆದರೆ ಮಾರುಕಟ್ಟೆಯಲ್ಲಿ ಸಿಗುವ ಯಾವ್ಯಾವುದೋ ಕ್ರೀಂ ಬಳಸದೇ, ನಿಮ್ಮ ತ್ವಚೆಗೆ ಹೊಂದುವ ಕ್ರೀಂ ಬಳಕೆ ಮಾಡಿದರೆ ಉತ್ತಮ ಇದರಿಂದ ಚರ್ಮ ಹಾಳಾಗುವುದಿಲ್ಲ. ಸನ್ ಸ್ಕ್ರೀನ್ ಯುವತಿಯರು ಮಾತ್ರವಲ್ಲ ಯುವಕರು ಬಳಕೆ ಮಾಡಬಹುದು.

ಬೇಸಿಗೆ ಕಾಲದಲ್ಲಿ ತ್ವಚೆಯ ಅಂದ ಕೆಡುವುದು ಹೆಚ್ಚು ಇಂತಹ ಸಂದರ್ಭದಲ್ಲಿ ಸನ್ ಸ್ಕ್ರೀನ್ ಹೆಚ್ಚು ಉಪಯುಕ್ತವಾಗಿದೆ. ಟ್ಯಾನಿಂಗ್, ಸನ್ಬರ್ನ್ ಸಮಸ್ಯೆಯಿಂದ ದೂರವಾಗಲು ಸನ್ ಸ್ಕ್ರೀನ್ ಕ್ರೀಂ ಬಳಸಿದರೆ ಒಳ್ಳೆಯದು.ಈ ಸನ್ ಸ್ಕ್ರೀನ್ ಕ್ರೀಮ್ ತ್ವಚೆ ಹೊಳಪು ಪಡೆಯಲು ನೆರವಾಗುತ್ತದೆ. ಜೊತೆಗೆ ಕಲೆಗಳು ಮತ್ತು ಕಪ್ಪು ಕಲೆಗಳನ್ನು ಕಡಿಮೆ ಮಾಡುತ್ತದೆ.

ಸನ್ ಸ್ಕ್ರೀನ್ ಬಳಸುವ ಮೊದಲು ಅದರಲ್ಲಿ ಬಳಕೆ ಮಾಡುವಂತಹ ರಾಸಾಯನಿಕಗಳ ಮಾಹಿತಿ ತಿಳಿದುಕೊಂಡು ನಂತರ ಬಳಕೆ ಮಾಡಿದರೆ ಉತ್ತಮ. ಏಕೆಂದರೆ ಕೆಲವೊಂದು ಸನ್ ಸ್ಕ್ರೀನ್ ಗಳು ಕೆಲವರಿಗೆ ಉತ್ತಮ ರಿಸಲ್ಟ್ ಕೊಟ್ಟರೆ ಇನ್ನು ಕೆಲವರಿಗೆ ಸಮಸ್ಯೆಯನ್ನು ಮಾಡಬಹುದು. ಇಂತಹ ಸಂದರ್ಭಗಳಲ್ಲಿ ಅಲರ್ಜಿ ಆಗುವಂತಹ ಸಮಸ್ಯೆ ಉಂಟಾಗುತ್ತದೆ. ಆದ್ದರಿಂದ ಸರಿಯಾಗಿ ತಿಳಿದುಕೊಂಡು ಬಳಕೆ ಮಾಡುವುದು ಉತ್ತಮ.

ಕೆಲವು ಸನ್ ಸ್ಕ್ರೀನ್ ಗಳು ಜಿಡ್ಡು ಮತ್ತು ಎಣ್ಣೆಯಂಶದಿಂದ ಕೂಡಿರುತ್ತದೆ. ಇಂತಹ ಸನ್ ಸ್ಕ್ರೀನ್ ಬಳಸಿದರೆ ಮೊಡವೆ ಸಮಸ್ಯೆಯನ್ನು ಕಾಣಿಸಿಕೊಳ್ಳುತ್ತದೆ. ಆದ್ದರಿಂದ ಎಣ್ಣೆಯಂಶ ಕಡಿಮೆ ಇರುವ ಸನ್ ಸ್ಕ್ರೀನ್ ಬಳಸಿದರೆ ಉತ್ತಮ. ದೇಹಕ್ಕೆ ಬಳಸುವಂತಹ ಸನ್ ಸ್ಕ್ರೀನ್ ಅನ್ನು ಮುಖಕ್ಕೆ ಹಚ್ಚಿಕೊಳ್ಳಬೇಡಿ ಏಕೆಂದರೆ ಇದರಿಂದ ಮೊಡವೆ ಸಮಸ್ಯೆ ಉಂಟಾಗುತ್ತದೆ.