ಭಾರತದಲ್ಲಿ ತಯಾರಿಸುವ ಪ್ರತಿಯೊಂದು ಅಡುಗೆಯ ಒಗ್ಗರಣೆಗೆ ಸಾಸಿವೆ ಪ್ರಮುಖ ಪಾತ್ರ ವಹಿಸುತ್ತದೆ. ಕ್ರೂಸಿಫೆರಾ ಕುಟುಂಬಕ್ಕೆ ಸೇರಿದ ಈ ಸಾಸಿವೆ ಉತ್ಪಾದನೆಯಲ್ಲಿ ಭಾರತ ಮೊದಲ ಸ್ಥಾನದಲ್ಲಿದೆ. ಸಾಸಿವೆ ಬೀಜವನ್ನು ಭಾರತದ ತರಕಾರಿ ಮತ್ತು ಮೇಲೋಗರಗಳ ತಯಾರಿಕೆಯಲ್ಲಿ ಮಸಾಲೆಯಾಗಿ ಬಳಸಲಾಗುತ್ತದೆ. ಸಾಸಿವೆ ಮತ್ತು ಎಣ್ಣೆಯನ್ನು ಮುಖ್ಯವಾಗಿ ಉಪ್ಪಿನಕಾಯಿಗೆ ಬಳಸಲಾಗುತ್ತದೆ. ಜೊತೆಗೆ ದನಕರುಗಳ ಆಹಾರಕ್ಕಾಗಿಯೂ ಸಹ ಬಳಸಲಾಗುತ್ತದೆ.
ಭಾರತದಲ್ಲಿ ಸಾಸಿವೆ ಉತ್ಪಾದನೆ: ರಾಜಸ್ಥಾನ, ಗುಜರಾತ್, ಉತ್ತರ ಪ್ರದೇಶ, ಹರಿಯಾಣ, ಅಸ್ಸಾಂ ಭಾರತದಲ್ಲಿ ಸಾಸಿವೆ ಬೀಜ ಉತ್ಪಾದಿಸುವ ರಾಜ್ಯವಾಗಿದೆ.
ಹವಾಮಾನದ ಅವಶ್ಯಕತೆ: ಸಾಸಿವೆಯನ್ನು ಉಪೋಷ್ಣವಲಯದ ಹವಾಮಾನದಲ್ಲಿ ಬೆಳೆಯಲಾಗುತ್ತದೆ. ಒಣ ಮತ್ತು ತಂಪಾದ ವಾತಾವರಣದಲ್ಲಿ ಬೆಳೆಯಲಾಗುತ್ತದೆ. ಆದ್ದರಿಂದ ಸಾಸಿವೆಯನ್ನು ಹೆಚ್ಚಾಗಿ ರಾಬಿ ಋತುವಿನ ಬೆಳೆಯಾಗಿ ಬೆಳೆಯಲಾಗುತ್ತದೆ. ಸಾಸಿವೆಗೆ 10 ಡಿಗ್ರಿ ಯಿಂದ 25ಡಿಗ್ರಿ ತನಕ ತಾಪಮಾನದ ಅಗತ್ಯವಿರುತ್ತದೆ.
ಮಣ್ಣಿನ ಅವಶ್ಯಕತೆ: ಭಾರಿ ಲೋಮಮಿ ಮಣ್ಣು ಈ ಸಾಸಿವೆ ಬೆಳೆಗೆ ಉತ್ತಮವಾಗಿರುತ್ತದೆ. ಬಿತ್ತನೆಯ ಸಮಯದಲ್ಲಿ ಮಣ್ಣಿನಲ್ಲಿ ಸಾಕಷ್ಟು ತೇವಾಂಶವಿರುವುದು ಅಗತ್ಯವಾಗಿರುತ್ತದೆ.
ಬಿತ್ತನೆ ವಿಧಾನ: ಸಾಸಿವೆಯನ್ನು ಸಾಮಾನ್ಯಾಗಿ ಸೆಪ್ಟೆಂಬರ್ ಅಕ್ಟೋಬರ್ ತಿಂಗಳಿನಲ್ಲಿ ಬೆಳೆಯಲಾಗುತ್ತದೆ. ಸಾಸಿವೆಯನ್ನು ಒಂದು ಮಿಶ್ರ ಬೆಳೆಯಾಗಿಯೂ ಸಹ ಬೆಳೆಸಬಹುದಾಗಿದೆ. ಸಾಸಿವೆ ಗಿಡಗಳನ್ನು ಸುಮಾರು 45:20 ಸೆಂ ಮೀ ಅಂತರದಲ್ಲಿ ನೆಡಬೇಕು.
ಸಾಸಿವೆ ಬೆಳೆಯನ್ನು ಗೋಧಿ ಮತ್ತು ಉದ್ದಿನ ಬೇಳೆಯೊಂದಿಗೆ ಮಿಶ್ರ ಬೆಳೆಯಾಗಿ ಬೆಳೆಸಬಹುದಾಗಿದೆ.
ಸಾಸಿವೆಯಿಂದ ಆರೋಗ್ಯ ಪ್ರಯೋಜನಗಳು:
• ಅಸ್ತಮಾ ರೋಗ ಲಕ್ಷಣಗಳನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ
• ಜೀರ್ಣಂಗವ್ಯೂಹದ ಕ್ಯಾನ್ಸರ್ ತಡೆಗಟ್ಟಲು ಸಹಾಯಮಾಡುತ್ತದೆ
• ಸಂಧಿವಾತವನ್ನು ಕಡಿಮೆ ಮಾಡುತ್ತದೆ
• ಸ್ನಾಯು ನೋವನ್ನು ತಡೆಯುತ್ತದೆ
• ಬೊಜ್ಜು ಕಡಿಮೆಗೊಳಿಸಲು ಸಹಾಯ ಮಾಡುತ್ತದೆ