ಈಗ ಜನರು ಬದಲಾವಣೆಯತ್ತ ಹೆಚ್ಚು ಆಸಕ್ತಿ ತೋರುತ್ತದ್ದಾರೆ. ಹೇಗೆ ಹೊಸ ಹೊಸ ಟ್ರೆಂಡ್ ಗಳು ಬರುತ್ತಾ ಇದೆಯೊ ಜನರು ಅತೀ ಬೇಗ ಅತ್ತ ಒಲವು ತೋರುತ್ತಿದ್ದಾರೆ. ಇದು ಕೇವಲ ನಾವು ಧರಿಸುವ ಬಟ್ಟೆಗಳಿಗೆ ಮಾತ್ರ ಸೀಮಿತವಾಗದೆ ಮೇಕಪ್, ಕೂದಲು ವಿನ್ಯಾಸಕ್ಕೂ ಆವರಿಸಿಕೊಂಡಿದೆ. ಅದರಲ್ಲೂ ಈಗ ಕೂದಲನ್ನು ಭಿನ್ನ ಭಿನ್ನ ಶೈಲಿಯಲ್ಲಿ ಹೇರ್ ಸ್ಟೈಲ್ ಮಾಡುವುದು, ಹೇರ್ ಸ್ಟ್ರೈಟ್ನಿಂಗ್ ಮಾಡುವುದು, ಹೇರ್ ಕಲರಿಂಗ್ ಮಾಡುವುದು ಸಾಮಾನ್ಯವಾಗಿ ಬಿಟ್ಟಿದೆ.
ಈಗಂತು ಹೆಚ್ಚಿನವರು ತಮ್ಮ ಕೂದಲು ನೈಸ್ ಆಗಿ ಇರಬೇಕೆಂದು ಆಸೆ ಪಡುತ್ತಾರೆ. ಅದಕ್ಕಾಗಿ ಹೇರ್ ಸ್ಟ್ರೈಟ್ನಿಂಗ್ ನ ಮೊರೆ ಹೋಗುವುದು ಸರ್ವೇಸಾಮಾನ್ಯವಾಗಿದೆ. ಹೇರ್ ಸ್ಟ್ರೈಟ್ನಿಂಗ್ ನಿಂದ ಕೂದಲು ಬಹಳ ನಾಜೂಕಾಗಿ, ಸುಂದರವಾಗಿ ಕಾಣಿಸಿಕೊಳ್ಳುತ್ತದೆ.
ಇನ್ನು ಸ್ಟ್ರೈಟ್ನಿಂಗ್ ನಲ್ಲಿ ಎರಡು ವಿಧವಿದೆ. ಒಂದು ತಾತ್ಕಾಲಿಕ ಸ್ಟ್ರೈಟ್ನಿಂಗ್ ಇನ್ನೂಂದು ಪರ್ಮನೆಂಟ್ ಸ್ಟ್ರೈಟ್ನಿಂಗ್ ಮಾಡಿಸುವುದು. ಪರ್ಮನೆಂಟ್ ಹೇರ್ ಸ್ಟ್ರೈಟ್ನಿಂಗ್ ಮಾಡುವ ಮುನ್ನ ತಾತ್ಕಾಲಿಕ ಹೇರ್ ಸ್ಟ್ರೈಟ್ನಿಂಗ್ ಮಾಡಿ ನಿಮ್ಮ ಮುಖಕ್ಕೆ ಸೂಕ್ತವೊ ಅಲ್ಲವೂ ಎಂದು ತಿಳಿದು ಕೊಳ್ಳುವುದು ಒಳ್ಳೆಯದು.
ಹೇರ್ ಸ್ಟ್ರೈಟ್ನಿಂಗ್ ಮಾಡುವಾಗ ಯಾವ ರೀತಿಯ ಪ್ರಾಡಕ್ಟ್‌ನ್ನು ಬಳಸುತ್ತಿದ್ದೇವೆ ಎನ್ನುವುದು ಬಹಳ ಮುಖ್ಯ. ಯಾಕೆಂದರೆ ಇದರಲ್ಲಿ ಕೆಮಿಕಲ್‌ನ್ನು ಅಳವಡಿಸಲಾಗಿರುತ್ತದೆ. ಇದು ಕೂದಲಿನ ಪ್ರೊಟೀನ್ ಮೇಲೆ ಪರಿಣಾಮ ಬೀರುತ್ತದೆ ಜೊತೆಗೆ ಕೂದಲಿನ ಶೈಲಿಯನ್ನು ಬದಲಾಯಿಸುತ್ತದೆ. ಇದನ್ನು ಸರಿಯಾದ ಪ್ರಮಾಣದಲ್ಲಿ ಸರಿಯಾದ ರೀತಿಯಲ್ಲಿ ಬಳಸದೇ ಇದ್ದರೆ ಕೂದಲನ್ನು ಹಾಳು ಮಾಡಬಹುದು.
ಆಕರ್ಷಕವಾಗಿ ಕಾಣಬೇಕೆಂದು ಪದೇ ಪದೆ ಹೇರ್ ಸ್ಟ್ರೈಟ್ನಿಂಗ್ ಮಾಡುವುದರಿಂದ ಕೂದಲಿನ ಬುಡಕ್ಕೆ ಹಾನಿಯಾಗುವುದು ಹಾಗೂ ಕೂದಲು ಉದುರುವ ಸಮಸ್ಯೆ ಕಂಡು ಬರಬಹುದು.
ಹೇರ್ ಸ್ಟ್ರೈಟ್ನಿಂಗ್ ಮಾಡಿಸುವ ಮುನ್ನ ಹೇರ್ ಎಕ್ಸ್‌ಪರ್ಟ್‌ನ್ನು ಸಂಪರ್ಕಿಸಿ. ಅವರ ಸಲಹೆಯನ್ನು ಪಡೆದು ಮುಂದುವರಿಯುವುದು ಸೂಕ್ತ.
